"Rama duke kerkuar gjithcka do perfundoje duke mos marre asgje"
Kerkesa per ndryshimin e Kushtetutes per Presidentin dhe qendrimet e kreut te selise roze jane sinjale te levizjeve politike qe nuk synojne zhvillimin e nje politike konstruktive. Sipas analistit, Artan Hoxha, me kerkesat maksimaliste, kreu i PS-se rrezikon te mos marre asgje. "Edi Rama duke kerkuar te marre gjithcka do te perfundoje duke mos marre asgje dhe mazhorances ne te gjitha rastet nuk do t'i hyje gjemb ne kembe", thote Hoxha duke shtuar se pavaresisht se flitet per levizje te reja, loja e kreut te Partise Socialiste eshte e vjeter dhe jo konstruktive. Ai shprehet se qendrimi i mazhorances ndaj kushteve te panegociueshme te PS-se nuk pritet te jete sic shpreson opozita. "Nga menyra sesi e ka nisur opozita kete qasje opozitare, kam pershtypjen se ne vend qe te permiresoje qasjen e balancave, po kerkohet dicka teper e madhe, me nje kendveshtrim dhe synim kaq kembengules une besoj se do te shkaktoje natyrshem nje qendrim refraktar nga pala tjeter", thote Hoxha ne nje interviste per televizionin "Klan". Nga ana tjeter Hoxha shton se kerkesat e Rames me shume se per t'i mbushur mendjen opinionit jane edhe per te qetesuar vete perfaqesuesit e opozites pas disfatave te njepasnjeshme elektorale. Hoxha argumenton se me ndryshimet ne Kushtetute Rama kerkon qe te largoje vemendjen nga humbja e zgjedhjeve ne vitin 2009 dhe 2011. "Si ka mundesi qe rezultati i zgjedhjeve PD, PS, LSI ne vitin 2011 jane te barabarta me keto rezultate ne vitin 2009", tha Hoxha. Sipas tij jane shifrat ato qe permbysin ne themel kete ide, te cilen Rama po e sponsorizon ne mos per te bindur krejt shqiptaret te pakten per te bindur deputetet e opozites. Nga ana tjeter Hoxha thekson se opozita duhet te bind qytetaret se eshte e gatshme te bashkepunoje duke votuar reformat qe jane te nevojshme per procesin e integrimit te vendit. "Nje pakete e gatshme ligjesh qe garantojne marrjen e statusit te vendit kandidat pret socialistet ne Kuvend dhe opozita ka rastin te deshmohet "pro" interesave te vendit, duke mos e kushtezuar kete pakete", tha dje Hoxha.