Rama "harron" traditen, mungon ne ceremoni Eva Gjura

Banoret e Pezes dhe te Tiranes u mblodhen dje te gjithe se bashku per te perkujtuar 70- Vjetorin e Konferences se Pezes. Konferenca e Pezes ishte perpjekja e pare madhore e popullit shqiptar per t'u bashkuar ne luften per clirimin e vendit nga pushtuesit. Ne 16 shtator te 1942, Konferenca e Pezes vendosi krijimin e nje fronti te perbashket antifashist. Ne konference moren pjese delegate te ardhur nga te gjitha anet e Shqiperise, si Abaz Kupi, Myslim Peza, Haxhi Lleshi, Mustafa Xhani, Skender Jegeni, e shume te tjere. Ne kujtim te kesaj dite dje, ne sheshin para shtepise muze ku 70-vjet me pare zhvilloi punimet Konferenca e Pezes kishin ardhur qindra veterane te Luftes Antifashiste, banore te zones se Pezes, por edhe te tjere nga Tirana e me gjere per te perkujtuar kete ngjarje te rendesishme per kombin. I pranishem ne kete ceremoni ishte edhe ministri i Mbrojtjes, Arben Imami, i cili gjate fjales se tij tha se, pavaresisht dritehijeve qe shoqerojne ngjarjet e medha historike, populli i Pezes duhet te ndjehet krenar qe eshte ne qender te nje prej ngjarjeve me te rendesishme te Luftes dhe Rezistences Antifashiste per clirim kombetar. "Populli i Pezes duhet te ndjehet krenar qe eshte ne qender te nje prej ngjarjeve me te rendesishme te Luftes dhe Rezistences Antifashiste per clirim kombetar", - theksoi ne fjalen e tij ministri Imami. Sipas tij, ajo kishte nje tradite te shkelqyer rezistence ndaj pushtuesit italian qe nga prilli i 1939-es dhe deri ne kohen kur do te mbahej Konferenca. "E ndodhur ndermjet qyteteve me te rendesishem te vendit dhe e rrethuar nga kurora e maleve, i jepte rendesi te vecante strategjike ne organizimin e rezistences kombetare. Kjo ishte arsyeja perse Peza u zgjodh si vendi qe do te mirepriste Konferencen qe do te shenonte nje pike kthese per rezistencen tone kunder nazifashizmit", - vijoi Imami. Ndersa kryetari i komunes se Pezes, Enver Dorzi, shprehu mirenjohjen per qeverine dhe per te gjithe ata qe ndihmuan qe kjo date historike te kujtohet ashtu sic e meriton. Ajo qe binte ne sy, ishte mungesa e kryesocialistit Edi Rama i cili ka pasur nje marredhenie te ngushte me Pezen dhe ne kohen qe ishte kryetar i Bashkise se Tiranes eshte kujdesur cdo vit per organizimin e ceremonise perkujtimore te konferences historike. Kete vit ai zgjodhi te mos ishte as i pranishem ne ceremoni. Nderkohe deputete te grupit parlamentar te PS moren pjese ne ceremoni dhe kujtuan vlerat historike te kryengritjes se pare antifashiste ne Evrope.