Ulja e taksave, Mima e Bogdani ironizojne premtimet e Rames Eva Gjura

Biznesi i vogel i vlereson si te pamundura premtimet e opozites dhe kryesocialistit, Edi Rama, per heqjen e takses per biznesin e vogel. Perfaqesues te ketij biznesi gjate takimeve me deputetet e Partise Demokratike, Florion Mima dhe Gerti Bogdani, kane treguar se qeveria e mazhorances se djathte ka reduktuar ne dy here taksat gjate 7 viteve te fundit. Nje biznesmen i vogel gjate bashkebisedimit me dy deputetet e mazhorances eshte shprehur se, "shteti me taksa mbahet, po te mos paguajme ne taksa me cfare mbahet shtetit. Per mendimin tim mund te ulen dicka, por per mua nuk ka cfare te ulet me, se cfare ishin per tu ulur jane ulur dhe une jam i kenaqur". Ligjvenesit demokrate gjate bisedave me perfaqesues te biznesit te vogel, jane shprehur gjithashtu se premtimet e opozites nuk jane te verteta, pasi behen nga njeriu qe gjate drejtimit te Bashkise se Tiranes vecse ka rritur taksat. Sipas perfaqesuesve te bizneseve te vogla, me pare ata kane paguar ne vit rreth 1 milion e 900 mije lek te vjetra, nderkohe qe tani paguan vetem 900 mije leke te vjetra ne vit. Ai sqaron se "jane hequr disa taksa ndryshe nga koha kur bashkia drejtohej nga Edi Rama". Sipas tyre, tani biznesi i vogel paguan vetem hapesiren publike, nuk paguan takse tavoline 24 mije leke te vjetra qe paguhej ne kohen e qeverisjes se Tiranes nga Rama. Deputeti Mima u shpreh se ulja e taksave eshte bere nga qeveria e PD me qellim favorizimin e biznesit. "Te gjitha keto shifra qe ju permendet jane pjese e realizimeve tona. Ne treg ka dale nje premtim tjeter, i cili thote se do ti heq fare taksat e biznesit te vogel. Te cilat per biznesin e vogel eshte e paarritshme pasi shteti me taksa mbahet", - u shpreh Mima. Ndersa Deputeti Bogdani, shtoi se ky premtim ne kete kohe vjen nga nje njeri, i cili ka qene kryetar bashkie dhe nuk beri asgje per te favorizuar biznesin e vogel, perkundrazi e rendoi sa me shume me taksa e tatime. Deputeti Mima theksoi gjithashtu se "premtime te tilla si ato me taksa zero jane premtime qe kane bere baballaret e tyre dikur, qe thonin se shqiptaret do te hane me luge floriri dhe shqiptaret perfunduan duke dorezuar edhe lugen e drurit. Ndaj ne kerkojme qe njerezit te jene sy hapur dhe te mos genjehen nga helme te tilla me cokollate siper". Gjate 7 viteve te fundit, qeveria e drejtuar nga kryeministri Berisha permes reformave konkrete financiare, ka mundesuar ulje te ndjeshme te taksave per biznesin e vogel. Fale ketyre reformave, eshte mundesuar heqja e takses se gjelber, eshte ulur tarifa e pastrimit, eshte reduktuar taksa e tabeles, eshte mundesuar ulja e kontributit te sigurimeve shoqerore, etj.

Bogdani: Taksat e biznesit te vogel jane ulur 3 here

Gjate takimit me ta biznesmenet e vegjel ne lidhje me ceshtjen e taksave qe paguajne tregtaret, deputeti Bogdani u shpreh se, "ndryshe nga c'thote z. Rama, taksat e biznesit te vogel ne krahasim me vitin 2005 kur qeveriste Partia Socialiste, jane ulur rreth 3 here. Qe nga viti i kaluar edhe tarifat e Bashkise jane hequr ose reduktuar". Sipas Bogdanit, perfaqesues te ketyre bizneseve nuk e besojne demagogjine e taksave zero te deklaruara nga z.Rama. Tregtaret ne Tirane u shprehen te kenaqur me nivelin e taksave qe paguajne dhe per ta ndryshimi eshte i ndjeshem, qofte nga 2005-a e ne vazhdim, qofte nga viti i kaluar.