Rama po perjashton drejtuesit e PS-se

Partia Demokratike denoi dje deklaratat e kreut te Partise Socialiste, Edi Rama, ne Shkoder kunder fraksioneve brenda forces me te madhe te opozites. Zedhenesi i PD-se, Gerti Bogdani, theksoi se Rama mashtron me keto deklarata, sepse ai vete i ka zevendesuar drejtuesit e PS-se me rrogetare te Bashkise se Tiranes. "Duke u shprehur kunder fraksioneve ne PS, zoti Rama mohoi edhe gjenezen e tij ne kete parti, duke vene ne dukje kompleksin e tij si lider apartiak, i cili cirret dhe bertet kunder te majtes dhe te djathtes, te cilat kane qene ne tere historine lokomotiva te zhvillimit ekonomik dhe politik te shoqerive te lira", deklaroi Bogdani ne nje konference per shtyp. Sipas tij, Edi Rama e ka shnderruar Bashkine e Tiranes ne nje seli te PS-se dhe se ne Asamblene e zhvilluar ne Shkoder binte sy mungesa e grupit te deputetit socialist, Ben Blushi. Gerti Bogdani deklaroi se Rama pesoi nje dush te ftohte ne mitingun e zhvilluar para pak ditesh ne Tirane, ku brohoritjet ishin te vakta dhe te drejtuara kryesisht per kreun e LSI-se, Ilir Meta. Sipas Bogdanit, me veteshpalljen kryeminister ne Shkoder, Rama nuk beri gje tjeter vecse leshoi mashtrimin e radhes, pasi ai eshte i vetedijshem se qeveria ne hijen e tij shkrihet si bryma.