Rama prezanton adresarin e ri për Tiranën

Kryetari i Bashkisë së Tiranës Edi Rama ka prezantuar sot adresarin e ri për kryeqytetin. Në fjalën e tij kreu i bashkisë pasi ka vlerësuar projektin për adresarin e ri si mjaft të rëndësishëm theksoi se ky projekt është bërë falë një bashkëpunuar me Akademinë e Shkencave dhe me një grup të gjerë njerëzish për të merituar çdo rrugë duke u bazuar tek kriteri histrorik dhe për të ruajtuar traditat.

Sipas tij do të vendosen tabela me numrin e rrugëve, të apartamentit aspo të nëjsisë përkatëse duke shtuar se sistemi i adresave do të jetë mjaft i thjeshtë për t'u përdorur nga qytetarët.

"Sistemi është i thjeshtë dhe interaktiv dhe në përfundim të këtij procesi që do të jetë viti 2011 ky adresar do të jetë në dispozicion të çdo qytetari që vetëm nëpërmjet emrit mund të gjejë adresën e çdo qytetari" theksoi më tej Rama.

Gjithashtu Rama i bëri thirrje qytetarëve të kryeqytetit të bashkëpunojnë për këtë proces duke plotësuar formularin e vendbanimit duke theksuar se kontributi i gjithë secilit është edhe suksesi i këtij procesi.