Elbasan, shemben 14 ndertime pa leje
Policia Ndertimore e Bashkise se Elbasanit ka prishur 14 ndertime pa leje ne afersi te teatrit "Skampa". Objektet ne fjale ishin bere pengese per ndertimin e qendres se re te qytetit. Operacioni ka hasur ne kundershtimin e disa pronareve, qe jane shprehur se objektet jane me leje dhe ne proces gjyqesor. Drejtori i Policise Ndertimore te Bashkise se Elbasanit, Aurel Kaja, deklaroi dje se "ne kete rast po zbatohet vendimi i Keshillit Bashkiak, i cili ka miratuar prishjen e objekteve qe ishin bere pengese per qendren e re te Elbasanit. Pronaret jane njoftuar konform ligjit". Nga ana tjeter, ai paralajmeroi se se shpejti do te prishin edhe 17 objekte te tjera. Duke pasur parasysh ankesat e pronareve te ketyre ndertimeve, Kaja theksoi se pronaret qe kane pretendime duhet t'i drejtohen gjykates. Me gjithe kundershtimet, fadroma e policise ndertimore ka rrafshuar 14 objekte pergjate rruges se vjeter te pazarit. Gjate ketij viti policia ndertimore e Bashkise se Elbasanit ka prishur nje sere ndertimesh pa leje, duke i celur rruge projekteve te bashkise. F. S