Raportimi policor - Paskuqan

Drejtoria e Policise se Qarkut Tirane njoftoi mbreme se gjate dites zgjedhore ne Paskuqan nuk eshte evidentuar asnje incident, ne lidhje me procesin zgjedhor dhe rendin e publik ne teresi. Po ashtu, ajo siguroi qytetaret se punonjesit e saj, u drejtuan nga profesionalizmi, paanesia, objektiviteti dhe zbatimi rigoroz i ligjit. "Me fillimin e veprimeve paraprake nga Komisioni i Qendres se Votimit, per celjen e votimit ne Zonen Zgjedhore Komuna Paskuqan Tirane, policia u terhoq nga Objektet Zgjedhore, duke u vendosur me pas brenda Komisariatit te Policise". Policia thekson se disa forca qendruan ne vendet e dislokimit larg qendrave te banuara, "sipas miratimit te bere dhe nga KQZ, sherbime te cilat levizin vetem me kerkese te Komisionit te Qendres se Votimit dhe KZQV-se, si dhe ne rastet e ngjarjeve apo konstatimeve te shkeljes e cenimit te rendit publik dhe ne ngjarje konkrete". Ne oret e mbremjes, policia e Tiranes ka siguruar Vendin e Numerimit te Votave, dhe me kerkese te KZQV-se, ka bere shoqerimin e materialeve zgjedhore dhe Komisionereve, nga VNV-ja per ne Komisionin Qendror te Zgjedhjeve.