Rasmusen: Nuk do të ketë kurrë ndarje të Kosovës

Sekretari i Përgjithshëm të NATO-s, Anders Fogh Rasmusen, tha në një intervistë ekskluzive për Koha Ditore se nuk do të ketë ndarje të Kosovës. Pyetja u ngrit pas debateve të vazhdueshme mbi vendosjen e çështjes së Veriut të Kosovës në tryezën e bisedimeve. Kreu i NATO-s zotohet se Aleanca, përmes misionit të KFOR-it në Kosovë, do të bëjë çmos për të siguruar lirinë e lëvizjes për të gjithë. Rasmusen ka përsëritur kritikat e tij se EULEX-i nuk ka kapacitete të duhura për të kryer të gjitha detyrat. Ai vlerësoi lart kontributin e NATO-s në Kosovë gjatë 13 viteve të fundit.