Rasti Medicus, hedhen poshtë akuzat për trafikim

EULEX-i ka hedhur poshtë akuzat për trafikim të personave dhe krim të organizuar në rastin Medicus. Ndërkohë që është konfirmuar aktakuza kundër katër mjekëve për ushtrim të paligjshëm të veprimtarisë mjekësore.

“Konfirmohet aktakuza kundër Lufti Dervishi, Driton Jilta, Sokol Hajdini dhe Ilir Rrecaj lidhur me akuzat për ushtrim të paligjshëm të veprimtarisë mjekësore dhe keqpërdorim të pozitës ose detyrës zyrtare. Nga aktakuza hidhen poshtë akuzat për trafikim të personave dhe krim të organizuar”, thuhet në njoftimin e EULEX-it.

Prokuroria tha se do të parashtrojë ankesë kundër këtij vendimi për pikat e aktakuzës që nuk janë konfirmuar.