Reagimet nga Serbia per zgjedhjet ne Kosove
Beogradi ka percjelle me vemendje zgjedhjet parlamentare ne Kosove, ndonese nuk ka pasur vezhgues te vete atje, pohon Oliver Ivanoviq. "Zgjedhjet kane kaluar ne nje atmosfere mjaft te qete, pa incidente te medha. Ka pasur disa incidente te vogla ne Drenas dhe Skenderaj dhe disa parregullesi. Probleme ka pasur edhe ne Ferizaj, Kaçanik, Prizren e Malisheve. Por jane keto gjera qe zakonisht ndodhin ne raste te ketilla. Zgjedhjet jane zhvilluar ne kushte relativisht te tendosura, por nuk ka pasur konflikte te medha mes perfaqesuesve te partive te ndryshme."
Disa perfaqesues te qeverise serbe deklaruan, se jane te befasuar me pjesemarrjen relativisht te larte te serbeve ne keto zgjedhje. Ministri serb per Kosoven Goran Bogdanoviq, u shpreh se pjesemarrja kaq e larte e serbeve nuk paraqet per Beogradin ndonje mesazh te mire. Ivanoviq shpjegon arsyet e pjesemarrjes kaq te larte ne votime. "Kjo eshte pritur, sepse mes serbeve eshte krijuar nje bindje se ne jug te lumit Iber ekziston nje realitet tjeter. Kjo eshte e vertete ne njeren ane, por ne anen tjeter ky realitet edhe nuk eshte aq i ndryshem sa thuhet. Ne ngritjen e pjesemarrjes se serbeve ka ndikuar qendrimi i qeverise serbe, se nuk do te denohen ata qe marrin pjese ne zgjedhje. Incidente nuk ka pasur, perveç disa parregullesive ne Graçanice."
Bildunterschrift: Großansicht des Bildes mit der Bildunterschrift: Oliver Ivanovic
Analisti Dushan Janjiq pohon se bojkotimi i ketyre zgjedhjeve parlamentare prej serbeve qe jetojne ne veri dhe jopjesemarrja e atyre ne jug, do te thote qe Serbia ne nje moment do te kerkoje edhe ndarjen e Kosoves. Ivanoviq thote se ai ka nje shpjegim tjeter te kesaj dukurie.
"Mospjesemarrja e serbeve te veriut ne zgjedhje eshte nje tradite, nje qendrim permanent politik. Nderkohe qe serbet qe kane ndryshuar mendimin dhe kane marre pjese ne keto zgjedhje, ne te ardhmen duhet te perballen vet me pasojat politike. Mendoj se ndarja e Kosoves nuk eshte nje ide qe ka mbeshtetjen e qeverise serbe, sepse sipas Kushtetutes sone, Kosova eshte pjese e pandashme e Republikes se Serbise."
Oliver Ivanoviq pohon se Serbia eshte e gatshme per fillimin e dialogut me Prishtine, por fillimi i tij varet prej shpejtesise se krijimit te institucioneve kosovare. Sipas tij ne dialog do te bisedohet edhe per statusin dhe te gjitha çeshtjet qe lidhen me kete status.
"Negociatat te cilat po zhvillohen do te japin pergjigje ne shume pyetje. Mendoj se statusi do te jete nje prej temave, e kur te hapet kjo çeshtje, atehere do te bisedohet per te gjitha mundesite", pohon Ivanoviq.
Autor: Bahri Cani
Redaktoi: Aida Cama