Real Madrid: 440 milionë euro fitim nga Bekami

Dejvid Bekam ka qenë vërtet një minierë ari për Realin e Madridit. Që prej ardhjes së tij në "Bernabeu" më 2003, anglezi i ka siguruar klubit të "mbretërorëve" plot 440 milionë euro fitim. Këtë e ka pohuar drejtori i marketingut të Realit, Hose Angel Sances. Reali pagoi 36 milionë euro te Man.Junajtid për shërbimet e mesfushorit të kombëtares angleze, ndërsa i ka dhënë Bekamit një rrogë të përgjithshme prej 24.4 milionë eurosh. Tashmë, anglezi ka prishur kontratën me Realin dhe është bashkuar me skuadrën amerikane, Los Anxhelos Galaksi.