Real Madrid, ja kush e ka fajin e deshtimeve

Mediat e shkruara spanjolle e kane lene menjane teknikun Bernd Schuster duke e kerkuar gjetke fajtorin e deshtimeve te njepasnjeshme te Real Madrid.

Sipas gazetave me ne ze te vendit, fajin kryesor per periudhen e zeze te skuadres e ka pergatitesi sportiv, Valter Di Salvo.  “AS” ben me dije se pergatitesi italian i ardhur ne vitin 2003 nga Manchester United eshte fajtori kryesor per demtimet e shumta ne klub, te cilat kane ndikuar edhe ne rendimentin e dobet te skuadres gjate muajit te fundit.

Takimin e kesaj fundjave kunder Getafes, Real Madrid e humbi me rezultatin 3-1, duke u larguar edhe me shume nga Barcelona kryesuese. Javen e ardhshme, Real Madrid do prese ne “Bernabeu” skuadren e Seviljes, ndersa me pas do udhetoje per ne Barcelone ku do zhvilloje testin e vertete te sezonit.