Real e Çelsi, sytë nga talenti 6-vjeçar

Quhet Madin Mohamed dhe cilësohet si talenti më i ri i futbollit. Djaloshi 6-vjeçar është me origjinë nga Algjeria dhe lëvizjet që bën në fushën e lojës janë të ngjashme me ato të Kristiano Ronaldos. Nuk është aspak e ekzagjeruar: me driblimet ndaj bashkëmoshatarëve dhe xhonglimet duket si një personazh cirku. Një prej pikave të tij të forta është "veronica", lëvizja e famshme e Zidan. Pas publikimit të videos së talentit, Mohamed po vëzhgohet nga afër prej Çelsit dhe Realit të Madridit.