Real fiton derbin në Katalonjë/ Madrilenët ia dalin 2-1 në fushën e rivalit të përjetshëm

Kur luhet kjo ndeshje nuk ka rëndësi renditja.

Nuk ka rëndësi në El Klasiko as forma e ekipeve dhe as parashikimet, sepse askush nuk e di se çfarë do të dalë në përfundim.

Kështu ndodhi edhe këtë herë në Barcelona-Real Madrid, që u luajt në “Kamp Nou”, në kryeqendrën e Katalonjës, dhe që u fitua nga skuadra “mbretërore”.

Kilian Mbape ishte heroi I një përballjeje ku ekipet ishin pranë e pranë, duke shënuar dy gola.

Kapiteni I Francës realizoi për 0-1 në 41’, ndonëse Barça barazoi falë mesfushorit të saj, Pedri, sapo kishte kaluar një orë lojë.

Mbape vulosi fitoren e të besuarve të trajnerit Zhoze Murinjo, tri minuta para fundit.

Blaugranët e teknikut Hansi Flik synonin të arrinin fitoren e 10-të radhazi në La Ligë, që do të ishte rekordi I ri I fillimit më të mirë të kampionatit spanjoll.

Nuk ia dolën, madje humbën, dhe mbetën si barazues të rekordit të vjetër, të vendosur fillimisht nga Reali I sezonit 1968-1969.

Ky sukses bëri që Reali të përgjysmonte diferencën me Barcelonën kryesuese të ligës spanjolle, që ka 27 pikë, ndaj 25 të Atletikos dhe 24 të madrilenëve.