Reali e nis mbarë, Interi jo
Real Madridi e ka filluar mbarë kampanjën e Ligës së Kampionëve duke fituar me rezultat minimal 1:0 në Zagreb ndaj Dinamos së Fatos Beqirajt, në kuadër të Grupit D. Angel Di Maria e ka realizuar golin e fitores së madrilenëve në minutën e 53-të, kurse Marcelo është ndëshkuar me karton të kuq në atë të 73-të.
Në Grupin A, Napoli i Blerim Xhemajlit regjistroi një barazim të vlefshëm në shtëpi të Manchester Cityt, 1:1. Cavani i kaloi në avantazh italianët, kurse Kolarov i barazoi shifrat. Në ndeshjen tjetër, Bayerni e ‘pushtoi’ Spanjën, duke fituar në shtëpi të Villarrealit, 2:0.
Interi e pësoi humbjen e dytë në harkun e katër ditëve. Pas humbjes nga Palermo, ekipi italian u tregua i pafuqishëm në shtëpi përballë ekipit modest turk, Trabzonspor, i cili iu falënderua golit të Celustkas, në pjesën e dytë.
Skuadra e vetme ku aktivizohen futbollistët shqiptarë që shënoi fitore ishte Baseli i Xherdan Shaqirit dhe vëllezërve Taulant e Granit Xhaka. Kampioni zviceran e mposhti skuadrën rumune Otelul Galati falë dy golave të veteranit Alexander Frei.
Liga e Kampionëve
Grupi A
Rezultatet
Man City – Napoli 1:1
Villarreal – Bayern M. 0:2
Tabela
1. Bayern3
2. Napoli1
3. Man City1
4. Villarreal0
Grupi B
Rezultatet
Inter – Trabzonspor0:1
Lille – CSKA M.2:2
Tabela
1. Trabzonspor 3
2. CSKA 1
3. Lille1
4. Inter0
Grupi C
Rezultatet
Basel – Otelul Galati2:1
Benfica – Man Utd1:1
Tabela
1. Basel3
2. Man Utd1
3. Benfica1
4. Otelul Galati0
Grupi D
Rezultatet
Ajax – Lyon 0:0
Dinamo Z. – Real M.0:1
Tabela
1. Real3
2. Lyon 1
3. Ajax1
4. Dinamo0