Reduktim shpenzimesh per mbrojtjen pavaresisht nga premtimi ndaj NATO-s

Kryeministri slloven, Janez Jansa deklaroi dje se do te reduktonte kete vit shpenzimet per mbrojtjen, duke vene ne rrezik nje plan qe vendi i tij ka rene dakord me NATO-n. Pasi u anetaresua ne NATO ne vitin 2004, Sllovenia premtoi se do te rriste shpenzimet per mbrojtjen ne masen 2 per qind te prodhimit te saj bruto (GDP) nga fundi i vitit 2007. Ajo e shtyu me pas planin per ne vitin 2009. Jansa deklaroi se vendi do te reduktoje kete vit shpenzimet per mbrojtjen per te mbuluar koncesionet qe qeveria i ka dhene te varferve per shkak te inflacionit te larte. Ai nuk tha se kur Sllovenia do te rriste shpenzimet, por reduktimi nenkupton se ajo do te jete me larg objektivave te saj ne NATO. "Do te na duhet te kursejme ne investimet per mjetet mbrojtese ... megjithese do te largohemi me shume nga disa premtime qe i kemi bere aleateve tane per shkak te kesaj", deklaroi Jansa ne nje konference shtypi. Ai deklaroi se shpenzimet do te ishin me te uleta se ato te vitit 2007, kur ishte 1.65 per qind e GDP-se se vendit, por nuk dha te dhena te tjera.