"Reforma ne drejtesi kerkon voten e opozites"

Ministri i Drejtesise, Bujar Nishani, tha dje se bojkoti i opozites po demton seriozisht integrimin e vendit. I pranishem ne Komisionin Parlamentar te Ligjeve, per te raportuar mbi Progres Raportin e Komisionit Evropian per Shqiperine, Nishani tha se projektligjet kyce te reformes ne drejtesi, kane mbetur peng i votes se opozites socialiste. "Projektligjet e reformes si ai per Konferencen Gjyqesore dhe funksionimin e Keshillit te Larte te Drejtesise, kerkojne votat e opozites. Keshtu po demtohet seriozisht integrimi i vendit",-tha Nishani. Sipas tij, mungesa e se majtes ne Kuvend dhe angazhimi i deputeteve socialiste ne proceset kyce te vendit, perben nje ngerc te madh. "Synimi i tyre politik po pengon projektligjet e rendesishme", theksoi ministri. Nishani u ndal tek projekti qe rregullon marredheniet mes ministrise se tij dhe Keshillit te Larte te Drejtesise. "Kalimi se shpejti i projektligjit per KLD-ne, do te percaktoje qartazi edhe kriteret, trajnimet, si dhe raportet qe duhet te kete cdo anetar i KLD-se me sistemin e gjyqesorit", u shpreh Nishani. Nga ana tjeter, duke analizuar kritikat e raportit te KE-se per fushen e drejtesise, ministri njoftoi se se shpejti do te filloje puna per hartimin e nje drafti te ri per Gjykaten e Larte dhe se qeveria po vlereson ofertat e bizneseve dhe firmave te ndryshme, per punen e detyruar ne burgje. Gjate gjithe kesaj jave, ministrat e kabinetit qeveritar do te raportojne dhe analizojne cdo verejtje dhe kritike qe ndodhet ne raportin e Komisionit Evropian per Shqiperine. Raport, i cili u be publik muajin qe shkoi nga ky Komision.