Reforma ne drejtesi perplasje PD-PS ne Komisionin e Ligjeve
Deputetet socialiste dhe demokrate jane perplasur dje ne Komisionin e Ligjeve ne lidhje me tryezen e organizuar te premten nga opozita per reformen ne drejtesi. Socialistet ne Komisionin e Ligjeve e kane cilesuar si fyese deklaraten e kolegeve te tyre te cilet e cilesuan tryezen si veprimtari propagandistike. Ishte deputeti socialist Bashkim Fino i cili ironizoi duke pyetur deputetet demokrate nese e kishin marre te gjithe deklaraten e bere publike dhe pse nuk kishin kerkuar dhe firmen e socialisteve anetare te Komisionit te Ligjeve. Deputetet demokrate te Komisionin Parlamentar te Ligjeve kane leshuar dy dite me pare nje sere akuzash mbi nismen e kolegeve socialiste per reformen ne drejtesi te zhvilluar te premten. Ne nje deklarate per shtyp te shperndare diten e diel demokratet theksuan se aktiviteti ishte nje vizion te mbrapshte anti-reforme te kreut te PS-se Edi Rama. Po dje anetaret e Komisionit te Ligjeve u ftuan nga kreu i ketij komisioni Ilir Rusmali qe te japin kontributin e tyre mvi nje ligj te ri per sherbimin civil i cili ka nisur tashme te pergatitet nga qeveria me mbeshtetjen dhe te eksperteve nderkombetar te SIGMA-s. Ne qofte se juve do te jeni dakord une do ti sugjeroja ministrise qe diten e hene pas mbledhjes se komisionit ne mundte zhvillojme kete konsulte pra diku nga ora 10 ne date 7 nentor - tha ai. Por ishte serish Fino ai qe refuzoi ftesen e Rusmalit duke theksuar se ne kete menyre komisioni ftohet te behet pale e nje drafti per te cilen ai duhet te paraqese oponencen perkatese. Pavaresisht deshires suaj te mire per te qene ne konsulte une do ta quaja si marreveshje pale. Kur te vije ketu ne komision ne i kemi thene njehere dhe tani ska me nevoje qe te ngreme zerin ne komision - tha ai. Debatet mes tyre u ben pasi u miratua me konsensus projektligji Per ratifikimin e marreveshjes ndermjet Keshillit te Ministrave te Republikes se Shqiperise dhe Keshillit te Ministrave te Bosnje Hercegovines per zgjidhjen e borxhit te Republikes se Shqiperise per shlyerjen e shumave ne llogarine e shkembimit te mallrave ndermjet Republikes se Shqiperise dhe ish Republikes Federale Socialiste te Jugosllavise.