Reforma, preken 1200 arsimtare
Reforme pa kthim ne arsim eshte ndermarre nga Drejtoria Rajonale e Arsimit ne Elbasan. Vendimi eshte i formes se prere dhe do te perfshije te gjitha strukturat arsimore te ketij Qarku, duke prekur 1200 arsimtare qe nuk plotesojne kriteret per mesimdhenie. Sipas drejtorit te Drejtorise Rajonale te Arsimit, Kujtim Mema, "reforma ne arsim eshte domosdoshmeri e kushtezuar nga koha. Qellimi yne eshte permbushja e objektivit per rritjen e cilesise se mesimdhenies ne shkolla bazuar ne strategjine e Ministrise se Arsimit dhe Shkences". Mema ka saktesuar dje, per "Koha Jone", edhe njehere kategorite qe preken nga reforma. "Te paret qe do t'i thone "lamtumire" ketij profesioni do te jene mesuesit pa arsimin perkates. Nga verifikimet e kryera rezulton se ne mjaft shkolla, sidomos ne zonat rurale dhe te thella malore, vazhdojne te punojne mesues me arsim te mesem", thote drejtori i Arsimit ne Elbasan. Mema sqaron se per momentin ata do te konsiderohen si te perkohshem ne arsim. Edhe nese ata kane marre statusin e mesuesit definitiv, do ta humbasin kete te drejte. Ata do te kthehen ne arsimtare me kontrate per t'u zevendesuar me mesues me arsim te larte. Ne kete kategori perfshihen arsimtaret qe kane perfunduar shkollen e mesme pedagogjike, gjuhet e huaja, vizatimin, muzike etj. Ne shkollat e Qarkut Elbasan ekziston edhe nje kategori tjeter arsimtaresh, ata qe kane perfunduar shkollen e larte, por qe nuk japin mesim ne profilin e tyre. Keshtu ndodh qe mesuesi qe ka perfunduar per gjeografi te jape letersi, ose ai qe ka perfunduar per gjuhe te jape histori etj. Jashte profilit do te quhen edhe ata mesues, te cilet japin lende profesionale neper shkolla. Behet fjale per ata mesues qe jane ekonomiste, inxhiniere, agronome, zooteknike etj. Edhe kjo kategori do te quhet e perkohshme, edhe pse kane marre nje emerim definitiv. Arsimtare te tille duhet te duhet te certifikohen per pedagogji apo psikologji, e me pas do te quhen mesues te perhershem. Fatos Salliu