Reformat integruese, Berisha fton opoziten te bashkepunoje
Kryeministri Berisha ne mbledhjen e pare te qeverise pas marrjes se fteses per anetaresimin ne NATO, riftoi partite opozitare per bashkepunim ne kuader te reformave qe kerkon anetaresimi i plote ne kete organizate. Sipas Berishes, qeveria do te jete e hapur per te bashkepunuar per reformat qe kerkohen nga vendi yne per anetaresim. Nga ana tjeter, Berisha theksoi se ne themel te vendimit te vendeve anetare te NATO-s per te ftuar Shqiperine per anetaresim, ishin reformat e ndermarra dhe vecanerisht lufta me tolerance zero kunder krimit te organizuar dhe korrupsionit. "Percaktuese padyshim kane qene reformat e ndermarra gjate 2-3 viteve te fundit dhe, me sakte, frytet e qarta te ketyre reformave ne vitin e fundit 2007. Me gjithe ndryshimet e medha, pa luften me tolerance zero kunder kriminalitetit, Shqiperia nuk do te mund ta merrte ftesen", deklaroi Berisha ne mbledhjen e djeshme te qeverise. Po keshtu, sipas Berishes, nje rol shume te rendesishem ne dhenien e fteses per anetaresim ne NATO, kane pasur reformat ekonomike dhe fiskale qe ka ndermarre qeveria shqiptare. Kryeministri vleresoi edhe punen e bere nga ministrat e kabinetit te tij, duke theksuar se ata i kishin kontribuar ndjeshem ne reformat qe vendi plotesoi per te marre ftesen e anetaresimit per ne NATO. Nga ana tjeter, Berisha kerkoi nga ministrat e kabinetit te tij te vazhdonin punen me intensitet per reformat e reja qe i presionin ne kuader te anetaresimit te plote per ne NATO.