Rektori i ri: Standarde evropiane per universitetin

Rektori i sapozgjedhur i Universitetit "Eqrem Cabej", ne Gjirokaster, ka premtuar ne diten e pare te punes se tij se do te perpiqet ta ngreje institucionin qe drejton ne nivele evropiane. Prof. as.dr. Gezim Sala deklaroi gjate ceremonise se marrjes se postit se nuk do ta shperdoroje besimin e pedagogeve dhe studenteve qe e zgjodhen per t'i drejtuar. Ceremonia u zhvillua dje ne mjediset e universitetit te Gjirokastres, ne prani te trupes akademike, perfaqesuesve te administrates, medias lokale dhe qendrore. Ne fjalen e tij, rektori i sapozgjedhur premtoi se te gjitha energjite e tij do t'i vere ne dispozicion te arsimit te larte, pasi ky sistem ka nevoje per reformim dhe per terheqjen e intelektualeve. Ndersa paraardhesi i tij prej me shume se 8 vitesh, Kristaq Kikina ne menyre simbolike i dorezoi celesat e zyres pasardhesit te tij. Ai deklaroi se zgjedhjet e 10 janarit treguan se demokracia funksionon dhe tashme rektori i sapo dekretuar nga Presidenti i Republikes do te vihet ne sherbim te interesave te arsimit.