Dekanet, emerimet me akuza dhe perjashtime
Luljeta Ndoka
Vetem 7 dekane ka emeruar dje rektori i sapozgjedhur i Universitetit te Tiranes, Dhori Kule. Pjesa derrmuese e dekaneve te zgjedhur nga stafet pedagogjike dhe studentet, kane marre zyrtarisht postin, ndersa vetem dekani i Fakultetit te Infermierise, eshte kthyer ne shtepi pa titull. Si rezultat, ai do te jete vetem pedagog dhe jo drejtues fakulteti. Shkak per kete, sipas urdhrit te MASH, eshte bere konsumimi i mandatit te pare. Ndersa Petrit Bare ka akuzuar Ministrine e Arsimit per vendimin e saj "politik", duke pretenduar se nuk i ka kaluar tre vjet qe nga emerimi i tij. Pavaresisht pretendimeve te seciles pale, ne Fakultetin e Infermierise do te zhvillohen serish zgjedhje. Megjithese nje "incident" i tille nuk ishte parashikuar ne rregullore, pritet qe te zhvillohen serish zgjedhje.
Rektori i Universitetit te Tiranes, Dhori Kule, u ka "dorezuar" dje detyrat 7 dekaneve te fakulteteve te UT-se, perjashtuar atij te Infermierise. Shkak per kete eshte bere nje vendim i Ministrise se Arsimit, sipas te cilit, Petrit Bare nuk duhej te kishte kandiduar, per shkak se e ka konsumuar mandatin 3-vjecar, kufi ky i vendosur ne rregulloren e zgjedhjeve. Zedhenesja e MASH, Ermelinda Muho, pretendoi dje se emri i Bares i eshte derguar Komisionit Qendror te Zgjedhjeve ne UT, qe te mos pranohet si kandidat. E megjithate ky organ zgjedhjesh nuk e ka marre parasysh urdhrin e Ministrise se Arsimit. Kjo ka bere qe Petrit Bare te mos emerohet si dekan i Fakultetit te Infermierise, edhe pse kishte marre rreth 93 per qind te votave. Bare ishte i vetmi kandidat per kete post, e megjithate Infermieria rrezikon te mbetet pa dekan edhe te pakten per nje vit. Pavaresisht kesaj ngjarjeje, rektori Kule ka vijuar emerimin e dekaneve te tjere te fakulteteve te UT. Behet fjale per dekanen e Fakultetit te Gjuheve te Huaja, Klodeta Dibra, dekanin e Mjekesise, Alfred Printanji, dekanin e Shkencave Natyrore, Ilirjan Malollari, dekjanin e Fakultetit te Ekonomise, Omer Stringa, dekanin e Filologjise, Shezai Rrokaj, dekanin e Drejtesise, Skender Kacupi dhe te Shkencave Sociale, Theodhori Karaj.
Petrit Bare:
Kjo shkelje eshte pasoje e kulisave politike. Une nuk kam shkelur asnje pike te rregullores se zgjedhjeve ne universitete, dhe madje nuk e kam konsumuar mandatin 3-vjecar. Shkakun e vertete te ketij veprimi e dine vetem ata qe e kane bere
MASH:
I kemi derguar KQZI-se nje shkrese, sipas se ciles Bare e ka konsumuar mandatin, e megjithate ky organ zgjedhjesh nuk e mori parasysh. Kandidati per dekan nuk duhej te ishte i tille, sepse ai i ka kaluar 3 vjet ne krye te atij posti