Rendi dhe siguria, PD: Nuk mund të vendosen nga Rama dhe kupola e tij të lidhur fund e krye me krimin

Rama dhe kupola e Partisë së tij nuk mund të flasin për krimin dhe luftën kundër kriminalitetit, sepse ata janë të lidhur fund e krye me krimin, kontrabandën, trafiqet. Deklarata vjen nga deputeti demokrat Gerti Bogdani, i cili duke ju referuar prezantimit të Programit për një Rilindje shqiptare për rendin dhe sigurinë, akuzoi Ramën se vetëm pak ditë më parë futi në koalicionin e tij partinë e Dritan Dajtit, vrasësin e katër oficerëve të Policisë së Shtetit, partinë e Arben Frrokut që ekzekutoi komisarin Dritan Lame, partinë e Indrit Dokles dhe kriminelëve të tjerë.

“Lideri i Partisë Socialiste Edi Rama në traditën e nekropolitikës gëzohet për çdo krim. Edi Rama nuk mund të flasë për krimin mbasi në prokurori të vendeve mike, por edhe atë shqiptare ekzistojnë kilometra biseda të tij që faktojnë lidhjen e tij me Aldo Baren, Hakmarrjen për Drejtësi, banda dhe kriminelë të rrezikshëm. Nuk mund të flasë për rendin dhe krimin Z. Edi Rama mbasi vetëm pak ditë më parë ai futi në koalicionin e tij partinë e Dritan Dajtit, vrasësin e katër oficerëve të Policisë së Shtetit, partinë e Arben Frrokut që ekzekutoi komisarin Dritan Lame, partinë e Indrit Dokles dhe kriminelëve të tjerë. Ai pati sërish dje pafytyresinë të flasë për sigurinë dhe rendin publik, vetëm pak orë pasi kishte goditur fizikisht, personalisht, në kryeqytetin e Austrisë, në prani të një salle me të ftuar një diplomat shqiptar. Ai e di mirë se shqiptarët, kanë filluar të vënë baste se kë do të godasë, dhunojë Edi Rama fizkisht pas grave dhe diplomatëve. A do të godasë ai infermieret që i ofendoi disa kohë më parë në turet e tij mavi? A do t’i dhunojë ai fizikisht mësueset shqiptare që i etiketoi si të pakualifikuara? A do t’i dhunojë ai vetë policët me dorën e tij, ndryshe nga 21 janari kur urdhëroi të tjerët të godisnin dhe të vinin flakën për të?tha ai

Sipas tij shqiptarët e kanë të qartë se rendin nuk mund ta vendosë një njeri i lidhur kokë e këmbë me krimin, vrasësit dhe trafikantët. Rendin nuk mund ta vendosë një dhunues i çekulibruar, që është i qetë vetëm kur ulet në tavolinë me kriminelë, ose kur ndermjetësit e çdo aleance të re që bën janë kontrabandistë.

“Por nuk është vetëm Edi Rama në koalicionin e majtë që nuk mund t’i shkojë ndërmend të flasë për rendin, sigurinë publike dhe shtetin ligjor.

Sajmir Tahiri nuk mund të flasë për shtetin ligjor, sepse babai i tij u arrestua për kontrabandë ilaçesh. Gramoz Ruçi nuk mund të flaës kurrë për krimin dhe rendin sepse i biri ka kryer me dhjetëra vepra penale, madje dhe viktima dhe është i lirë. Arta Dade nuk mund të flasë, sepse i biri mban në kurriz disa plagosje dhe është i lirë.

Luiza Xhuvani nuk mund të flasë, sepse i biri vrau në mes të ditës dhe u dënua vetëm me dy vite burg. Kosta Barjaba ka kryer vjedhje dhe është mentori kryesor i Ramës për politikat sociale.

Taulant Balla nuk mund të flaës për krimin mbasi ka përdorur pasaportën e tij diplomatike për të mbrojtur trafikantë të drogës dhe realizuar trafiqe

Pjerin Ndreu nuk mund të flasë për rendin mbasi eshtë larguar nga organet e rendit për shkak të lidhjeve të tij me krimin” theksoi Bogdani.

Deputeti demokrat garantoi se PD do të vazhdojë punën për t’i ardhur në ndihmë policisë tonë në luftën kundër krimit dhe me reformat që ndërmerr do t’i japë atij përgjigjen që meriton.