Renie e pjesemarrjes se grave ne punesim

Megjithëse në fund të shkollës së mesme përqindja e vajzave që marrin një diplomë është dukshëm më e lartë se e djemve ato e kanë më të vështirë gjetjen e një pune. Të dhënat e raportit kombëtar për pozicionin e grave në Shqipëri venë në dukje rënien e pjesëmarrjes së grave në tregun e punës duke bërë që hendeku i përkatësisë gjinore të thellohet në 21.5%. Për burrat shkalla e papunësisë ra në nivelin e 12.2% për gratë ajo u rrit në nivelin e 15.9% ndërkohë që për të njëjtin pozicion pune gratë paguhen rreth 17.6 % më pak se burrat.

Gratë janë kryesisht të punësuara në shëndetësi dhe punë sociale ku përfaqësojnë 76.2% e të punësuarve. Në arsim dhe bujqësi ato përbëjnë më shumë se gjysmën e punonjësve. Ndërkohë që raporti evidenton faktin se në administratën publike gratë gjenden në nivele të mesme dhe shpesh të ulëta ndërsa burrat kryesisht zënë rangjet më të larta.