“BE pergatit njohjen e pavaresise se Kosoves”

Politika shqiptare pershendet vendimin e Bashkimit Evropian per dergimin e Misionit Evropian te Politikes se Mbrojtjes dhe Sigurise ne Kosove. Diplomacia shqiptare dhe PD e LSI, perkatesisht partia me e madhe ne qeverisje dhe partia e dyte ne opozite, e kane cilesuar nje vendim te tille, nje hap te sigurt drejt njohjes se pavaresise se Kosoves dhe dhenies se te drejtes se shtetit te ri kosovar, per te pasur nje perfaqesim te barabarte mes kombeve. Permes nje deklarate, Ministria e Puneve te Jashtme e konsideron nje vendim te rendesishem politik, jo vetem per te ardhmen evropiane te Kosoves dhe te gjithe rajonit, por dhe si nje reflektim ndaj situates se vecante te historise se fundit te Kosoves dhe natyres unike te saj. “E bindur se nje hap i tille i paraprin vendimit qe do te merret se shpejti nga Bashkimi Evropian, ne mbeshtetje te pavaresise se Kosoves, Ministria e Puneve te Jashtme bashkohet me vleresimin per domosdoshmerine e pranise ushtarake dhe te perfaqesuesve civile nderkombetare ne Kosove edhe ne periudhen e pas-statusit, per mbikeqyrje te procesit, ne funksion te garantimit te shtetit ligjor, rendit, gjyqesorit dhe respektimit te pakicave”, thuhet ne deklarate. Sipas diplomacise shqiptare, tashme ka ardhur koha qe Evropa te jete e bashkuar ne mbeshtetje te Kosoves se pavarur, demokratike, te integruar ne familjen evropiane, si e vetmja zgjidhje realiste, me e drejte dhe me e qendrueshme, faktor stabiliteti, paqeje e prosperiteti edhe per rajonin e Ballkanit e me gjere.
Ne te njejten linje me qendrimin zyrtar te qeverise shqiptare ka qene dhe deputeti i Partise Demokratike, njeheresh zv.president i Asamblese Parlamentare te Keshillit te Evropes, Aleksander Biberaj. “Ky eshte nje vendim ne perputhje te plote me planin e Presidentit Ahtisari, i cili parashikon per Kosoven nje pavaresi te mbikeqyrur nga institucionet nderkombetare, qe ne rastin konkret do te behet nga BE”, u shpreh Biberaj. Sipas tij, ky eshte nje vendim i duhur, qe merret ne momentin e duhur dhe con Kosoven drejt pavaresise ne nje periudhe te shkurter kohore. Ndersa sekretarja Nderkombetare e LSI, Brunilda Paskali, eshte shprehur se vendimi i BE perben nje hap esencial drejt njohjes se pavaresise se Kosoves sipas planit “Ahtisari”. “Levizja Socialiste per Integrim pershendet vendimin e djeshem te BE per te derguar misionin evropian per siguri dhe mbrojtje ne Kosove. Ky vendim perben nje hap esencial drejt njohjes se pavaresise se Kosoves, sipas planit “Ahtisari”. Vendimi eshte nje paralajmerim i qarte se Kosova eshte ne radhe te pare ceshtje evropiane. Ai i paraprin diskutimit ne Keshillin e Sigurimit te OKB-se te statusit perfundimtar te Kosoves me date 19 dhjetor”, deklaroi Paskali.
MPJ:
“E bindur se nje hap i tille i paraprin vendimit qe do te merret se shpejti nga Bashkimi Evropian ne mbeshtetje te pavaresise se Kosoves, Ministria e Puneve te Jashtme bashkohet me vleresimin per domosdoshmerine e pranise ushtarake dhe te perfaqesuesve civile nderkombetare ne Kosove edhe ne periudhen e pas-statusit, per mbikeqyrje te procesit, ne funksion te garantimit te shtetit ligjor, rendit, gjyqesorit dhe respektimit te pakicave”.
Biberaj (PD):
“Ky eshte nje vendim ne perputhje te plote me planin e Presidentit Ahtisari, i cili parashikon per Kosoven nje pavaresi te mbikeqyrur nga institucionet nderkombetare, qe ne rastin konkret do te behet nga BE. Eshte shume pozitive qe nismes se Britanise, Frances, Italise dhe Gjermanise iu bashkengjiten edhe vendet e tjera anetare te BE-se, pasi kjo con drejt unifikimit te qendrimit te BE-se ndaj njohjes se pavaresise se Kosoves”.
Paskali (LSI):
Levizja Socialiste per Integrim pershendet vendimin e djeshem te BE per te derguar misionin evropian per siguri dhe mbrojtje ne Kosove. Ky vendim perben nje hap esencial drejt njohjes se pavaresise se Kosoves, sipas planit “Ahtisari”. Vendimi eshte nje paralajmerim i qarte se Kosova eshte ne radhe te pare ceshtje evropiane. Ai i paraprin diskutimit ne Keshillin e Sigurimit te OKB-se te statusit perfundimtar te Kosoves me date 19 dhjetor.