Reshjet e shiut, përmbytje në disa zona

Nga reshjet e shumta të shiut që kanë rënë orët e fundit, është përmbytur një pjesë e autostradës Fier-Lushje.
Shkak është bërë fryrja e lumit Gjanica, i cili ka dalë nga shtrati. Për pasojë është bllokuar një pjesë e këtij aksi rrugor, duke detyruar makinat që të ndryshojnë destinacion.

Përmbytje ka pasur edhe në autostradën Fier-Kolonjë. Ndërkohë, nga reshjet janë përmbytur disa zona në rrethin e Kavajës, kryesisht në komunën Synej. Në fshatin Karben, uji ka hyrë në banesa, ndërkohë që një përrua ka dalë nga shtrati.