Rifillon gjykimi ndaj Mubarakut

Procesi gjyqësor ndaj liderit të rrëzuar të Egjiptit, Hosni Mubarak do të zhvillohet sot në Kajro pas një pauze pothuaj tre-mujore.

Mubaraku ka arritur me një ambulancë, dhe është mbartur në dhomën e gjyqit me një barelë me rrota.

Ai akuzohet për përfshirjen në vrasjen e 850 protestuesve gjatë protestave, që e rrëzuan atë nga pushteti në shkurt të këtij viti.

Mubaraku po i nënshtrohet procesit gjyqësor bashkë me djemtë e tij, Alan dhe Gamalin, ish ministrin e brendshëm Habib al-Adlin, dhe 6 ish shefa të sigurisë. Të gjithë ata janë paraqitur sot në gjykatë.

Mubaraku, 83 vjeçar po mbahet nën arrest në një spital ushtarak për shkak të problemeve me zemër.