Rikthehen grabitjet me maska, dyshime per te afermit

Rishfaqen maskat ne rrethin e Pukes. Dy banesa jane vjedhur mbremjen duke u gdhire dita e djeshme ne fshatin Lumzi, te rrethit te Pukes, ndersa jane terrorizuar te zotet e shtepise. Asnje person nuk eshte prangosur ende, ndersa burime nga Komisariati i Pukes ka bere te ditur se dyshohet se nje nga autoret e grabitjes eshte pjesetar i njeres prej familjeve, qe jane terrorizuar per minuta te tera nen kercenimin e armeve. Policia tha se viktimat nuk kane mundur t'i njohin autoret, pasi ata ishin te maskuar dhe gjithcka eshte kryer ne erresire. Ata gjithashtu treguan se pak minuta pas mesnates, persona te panjohur hyne ne shtepite e tyre me automatike ne duar. Ata lidhen familjaret, duke iu kerkuar se ku i kishin fshehur parate. Refuzimit te tyre, grabitesit i jane pergjigjur me dhune fizike, duke i goditur ne koke e ne trup me sende te forta. Nje grup i posacem hetimor eshte nisur drejt fshatit Lumzi, i shoqeruar nga nje numer i madh efektivesh blu. Nga deklarimet e bera nga personat e demtuar, ka rezultuar se atyre iu eshte vjedhur nje shume prej 600 eurosh dhe dy celulare. Pas largimit te grabitesve, familjaret kane rendur te fqinjet per te kerkuar ndihme. Me celularet e fqinjeve eshte kontaktuar salla operative e Drejtorise se Policise se Qarkut te Shkodres. Policia nuk ka bere te ditur emrin e personit te identifikuar per arsye te sekretit hetimor, pasi nepermjet tij mendohet te arrihet tek e gjithe banda e armatosur. Burime nga Drejtoria e Policise se Qarkut te Shkodres bene te ditur se situata eshte vleresuar dhe jane ngritur ne alarm efektivet e skuadrave te levizshme. Postblloqe te shumte jane ngritur ne akset kryesore kombetare si dhe ne disa prej rrugeve dytesore te zones, ndersa efektivet e qarkullimit jane porositur te jene te kujdesshem, pasi behet fjale per persona te rrezikshem e te armatosur. Burime nga uniformat blu pohuan mbreme se kapja e te kerkuarve mbetet ceshtje oresh, pas identifikimit te tyre, ndersa shpresojne edhe ne informacionet e banoreve te zones.

Policia: Si identifikuam grabitesin

Ekspertet kane fiksuar provat e gjetura ne vendin e ngjarjes dhe kane marre deshmite e te demtuarve. Nga pershkrimi fizik qe iu be grabitesve, policia tha se dyshohet se njeri prej tyre eshte pjesetar i njeres prej familjeve te demtuara. Nga ana tjeter, vete fakti i mos gjetjes se tij ne shtepi, perforcon dyshimet e uniformave blu. Ndersa jane vene ne kerkim te tyre, policia tha se ende nuk jane gjetur gjurme te te dyshuarve, te cilet, pasi kane marre me vete parate dhe celularet, jane larguar ne drejtim te paditur.

R. Llazari