Rikthehen vjedhjet e mjeteve policia ne alarm
TIRAN - Rikthehet fenomeni i vjedhjes se automjeteve ne kryeqytet duke u kthyer ne fenomen shqetesues dhe angari per strukturat e hetimit te krimit te komisariateve te Tiranes. Vetem gjate javes qe sapo u mbyll strukturat e policise se kryeqytetit regjistruan se paku 7 vjedhje automjetesh ne zona te ndryshme te Tiranes. Rastet jane konfirmuar per Shekulli-n nga burime te Drejtorise se Policise se Tiranes te cilet thane se rastet e mesiperme jane regjistruar ne zona te ndryshme te kryeqytetit duke rikthyer edhe nje here ne vemendjen e policise nje fenomen qe per nje fare kohe ishte lehtesuar por jo zhdukur.
Gjate vitit te kaluar dhe disa jave me pare kjo veprimtari kriminale ishte goditur disa here nga strukturat e hetimit te krimit te Drejtorise se Policise se Tiranes duke frenuar ne kete menyre edhe keqberesit me kete tendence kriminale.
Ne shumicen e rasteve preh e grabitesve te makinave kane rene preh automjete te markave kryesisht Mercedez-Benz vecanerisht ato te prodhuara perpara vitit 1995. Pas markes se automjeteve Mercedez-Benz sipas policise mjetet e markes Volkswavagen dhe BMW jane me te kerkuarat ne tregun e zi dhe qe gjurmohen me shume nga grupet e vjedhjes se automjeteve per shkak se mjete te tilla jane te shumta ne treg dhe se kerkesa per to eshte me e larte. Ne lidhje me rastet e mesiperme policia ka nisur hetimet duke marre deklarimet e te demtuarve si dhe duke ngritur dyshimet e mbi ngjarjet.
Vjedhjet
Sipas burimeve te policise gjate javes se kaluar vjedhjet e automjeteve kane nisur thuajse qe diten e marte kur policia e kryeqytetit u njoftua se ne afersi te Rruges se Dibres ishte denoncuar vjedhje e nje automjet i markes Mercedez- Benz e vjedhur me targa te Tiranes. Rasti i dyte dhe i trete eshte regjistruar nje dite me vone dhe rastet e tjera jane regjistruar deri te enjten ne komisariatet nr. 1 nr. 2 nr. 3 dhe nr. 5.
Menjehere pas marrjes se denoncimeve policia e kryeqytetit ka marre deklarimet e te demtuarve si dhe me veprime hetimore te tjera si kryerje e keqyrjes se vendit te ngjarjes dhe verifikime te tjera ne terren nepermjet agjenteve te hetimit te cilet kane nisur marrjen e informacioneve ne terren ne drejtim te personave te dyshuar.
Nderkaq rasti i fundit kur policia e kryeqytetit u njoftua per vjedhjen e nje automjeti eshte i dites se djeshme kur nje person rreth 40 vjec banues ne kryeqytet denoncoi ne komisariatin nr. 3 se i kishin vjedhur automjetin veture te Opel Corsa. Pas kerkimeve te policise dhe pas verifikimeve te shumta policia zbuloi se denoncuesi kishte harruar automjetin e tij ne nje rruge prane Stacionit te Trenit.
Pas gjetjes se vetures policia u detyrua te ndryshonte procesverbalin e denoncimit dhe te mbante edhe nje tjeter per te sqaruar situaten e mesiperme ndersa ne fund denoncuesi nenshkroi nje deklarim te ri mbi ngjarjen ku pohonte se mjeti ishte gjetur.