Rikthehet i nxehti, rriten temperaturat

Për të gjithë ata që kanë përgatur valixhet e tyre për të nisur pushimet në muajin gusht, moti do ti favorizojë, pasi do te jetë i kthjellët dhe me temperatura të larta, duke arritur deri në 33 grad celcius. Zonat e ulëta dhe bregdetare do të dominohen nga moti i kthjellët por prezentë do te jenë dhe vranësirat e reshjet e shiut. Mëngjeset do te jenë të freskëta ndërsa mesdita do të sjellë një rritje të lehtë të temperaturave në të gjithë vendin.
 

Përsa i perket dites së diel, për të gjithë ata që kanë vendosur ta kalojnë ne bregdet, moti do te jetë i mirë dhe favorizues. Ndërsa muaji gusht do të vijë me mot te qendrueshem dhe me temperatura të larta, kjo deri në 15 ditëshin e parë, ndersa në pjesën e dytë të tij, do te paraqitet nje mot i paqëndrueshëm, me vranësira dhe rreshje shiu. Pavarësisht kësaj, pushuesit do të vijojnë të ndjekin planifikimet e tyre, si në breg të detit, ashtu edhe për ata që kanë zgjedhur të pushojnë në zonat malore. Dielli do të jetë prezent, ndonëse turistët nuk do të përvëlohen siç ishte parashikuar.