Rinas, bllokohen te tjera fluturime per ne Evrope

Sonila Isaku
Aeroporti i Rinasit ka bllokuar te tjera fluturime drejt Evropes, per shkak te tymit vullkanik i cili po zbret drejt Mesdheut. Ne nje njoftim zyrtar nga Aeroporti i Tiranes, rezulton se jane plot 15 destinacione te bllokuara. "Aeroporti Nderkombetar i Tiranes njofton se fluturimet direkte per ne Londer, Budapest, Vjene, Rome, Bari, Mynih, Shtutgard, Bolonje, Milano, Trevizo, Verona, Frankurt, Ljubljane, Rimini, Genova, Torino dhe Prishtine jane anuluar per shkak te hirit ne zonen e Islandes. Si rrjedhoje e vullkanit qe shpertheu diten e merkure me 14 prill 2010, hiri i vullkanik eshte perhapur ne pjesen veriore te Evropes" thuhet ne njoftimin per shtyp te Aeroportit Nderkombetar te Tiranes.
Fluturimet
Vetem fluturimet per ne Stamboll dhe Athine jane rikonfirmuar gjate se dieles ne aeroportin e Rinasit, ndersa fluturimet ne te pakten 15 destinacione te tjera kane vazhduar te jene te anuluar. Fluturimi drejt Romes, ka qene ne diskutim, por qe ne perfundim nuk eshte pranuar nga pala italiane. Gjendja ne aeroportin e Rinasit ka mbetur ne te njejten tablo te zbrazet, si e diteve me pare, ku dhe per shkak te rese vullkanike edhe Shqiperia u perfshi ne listen e vendeve qe u preken nga kaosi evropian i fluturimeve. Te vetmet mbeten udhetimet drejt kryeqytetit grek dhe Stambollit, vende keto te paprekura nga reja e hirit. Rinasi gjate se dieles nuk ka patur fluksin e tij te perditshmerise, por ata pak udhetare kane qene ne pritje te nisjes ne dy destinacionet e vetme te lejueshme per fluturim. Aeroporti ende nuk ka nje konfirmim per rihapjen e linjave te tjera ajrore dhe zyrtarisht njofton udhetaret qe kishin planifikuar udhetime ne ato destinacione qe jane anuluar se duhet te jene ne pritje deri ne njoftim te dyte ne ditet ne vazhdim. "Fluturimet jane anuluar deri ne nje njoftim te dyte. Ne rast te anulimeve te fluturimeve te tjera, Tirana Internacional Airport do t'i mbaje pasagjeret e informuar" thuhet ne njoftimin per shtyp.
Tymi
Bllokimi i udhetimeve eshte bere per shkak se grimcat e rese vullkanike mund te demtojne seriozisht motoret e avionit, per pasoje te vene ne rrezik jeten e pasagjereve. Pezullimet ne Rinas kane bere qe me qindra pasagjere te ndjehen konfuze ne pamundesi per te fluturuar. Perballe kesaj situate krejt te paparashikuara, kompanite ajrore thone se pasagjeret mund te fluturojne nje dite tjeter ose mund t'ju kthehet pagesa e biletes. Krahas fluturimeve drejt Londres dhe Budapestit te pezulluara prej te premtes, sot pasagjeret shqiptare nuk kane mundur te lidhen as me aeroportet e Veriut te Italise, me ato gjermane, austriake etj. Drejtues te aviacionit civil shqiptar thane se situata eshte ne monitorim te vazhdueshem dhe se ka pak gjasa qe fluturimet ne hapesiren ajrore te vendit te bllokohet si pasoje e perhapjes se metejshme te hirit vullkanik.
Durres, dyfishohet numri i linjave te trageteve
Pezullimi i fluturimeve nga aeroporti i Rinasit ka bere qe nje pjese e mire e udhetareve te zgjedhin rrugen ujore per te shkuar ne destinacionet e tyre duke kaluar permes Italise. Te dhenat zyrtare nga porti i Durresit kane treguar se numri i trageteve ne kete fundjave eshte dyfishuar per shkak te numrit te madh te kerkesave te udhetareve. Nderkohe qe meteorologet paralajmerojne se reja e hirit do te qendroje ne nje pjese te madhe te qiejve te Evropes
Reja vullkanike mbulon Evropen, anulohen te gjitha fluturimet
Evropa vazhdon te jete e perfshire nga nje gjendje kaotike. Ne pjesen me te madhe te vendeve aeroportet do te qendrojne te mbyllura deri ne oren 20.00 te mbremjes. Reja e hirit vullkanik ka mberritur tashme ne Italine fqinje. Autoritetet kane vendosur mbylljen e te gjitha aeroporteve ne veri te vendit prej ores 06.00 deri ne oren 14.00. Funksionale do te jene vetem fluturimet e emergjences. Ekspertet paralajmerojne nje perkeqesim te situates gjate dites se sotme. Qindra mije udhetare kane mbetur te bllokuar neper aeroporte ne shume vende te Evropes. Kompanite llogarisin deme financiare te cilat shkojne deri ne 200 milione euro ne dite. Agjencia per kontrollin ajror, Eurokontroll tha se kjo situate do te vazhdoje me dite te tera. Edhe per oret ne vijim, parashikimet meteorologjike flasin per nje spostim gradual te rese drejt jugperendimit, pra drejt Mesdheut.