Rinas, fluturime ne 11 destinacione

Kaosi vazhdon te shoqeroje aeroportin nderkombetar te Tiranes, prej fluturimeve te anuluara
Paraditja e djeshme nuk ka ndryshuar asgje per aeroportin e Rinasit, ndersa vetem gjate pasdites, situata eshte zhbllokuar disi. Zyra e shtypit e aeroportit te Tiranes, njoftoi se deri ne oren 17.00 te dites se djeshme ishin zhbllokuar 11 fluturime, gje qe ka ndikuar disi ne "zbutjen" e pasagjereve dhe normalizimin e situates. Ne fakt kjo ka vlejtur vetem per ata qe kane pasur si destinacion qytete te ndryshme te Italise, pasi destinacionet e tjera mbeten ende te mbyllura.
Fluturimet
Aeroporti nderkombetar i Tiranes njoftoi dje, se deri ne oren 17:00 kane operuar fluturime drejt destinacioneve te Romes, Athines, Stambollit dhe Vjenes, Piza, Bergamo, Ancona, Peruxha, Lubjana, Budapest dhe Milano. Kjo do te thote se jane zhbllokuar fluturimet ne destinacionet e Pizes, Bergamos, Ankones, Peruxhes, Lubjanes dhe Milanos, sepse ne fakt destinacionet e tjera kane funksionuar edhe dy dite me pare. Nderkaq, mesohet se mbeten ende te anuluara destinacionet si: Londra, Frankfurti, Mynihu, Trieste, Bolonja dhe Rimini. Keto vendime per anulimin ose jo te fluturimeve, jane te vlefshme deri ne nje njoftim te dyte nga ana e stafit te aeroportit nderkombetar te Tiranes. "Pasagjeret keshillohen te kontaktojne linjat ajrore perkatese, per informacion te metejshem ne lidhje me udhetimin e tyre", thote njoftimi, duke shtuar se ky aeroport do t'i mbaje pasagjeret e informuar per zhvillime te tjera.
Pasojat
Qytetaret tregojne se anulimi i fluturimeve, po iu sjelle pasoja mjaft te renda. Shpend Collaku nga Fieri, shprehet se nuk ka mundur te shkoje ne Itali, per shkak te anulimi te destinacionit te tij. Ai ka ardhur me gruan dhe vajzen e vogel ne Shqiperi per pasaporten, ndersa dy femijet i kane lene atje. Ndersa Ksandros Shella, ka deklaruar se rrezikon te humbase punen. I ardhur ne Shqiperi tek te afermit per te qendruar tri jave, ai nuk po arrin te shkoje ne qytetin ku jeton, per shkak te fluturimeve te anuluara. Pergjithesisht, qytetaret shprehen se problemi me i madh eshte fakti se rrezikojne te humbasin punen. "Mezi kemi arritur te gjejme pune per shkak te krizes dhe do te ishte fundi, nese e humbasin prej pamundesise per te kryer fluturimin", thote Edmond Ndreka, banues ne Londer.
L.Ndoka

Ne funksionim destinacionet:
Rome
Athine
Stamboll
Vjene
Piza
Bergamo
Ankona
Peruxha
Lubjana
Budapest
Milano

Ende te anuluara:
Londra
Frankfurti
Mynihu
Trieste
Bolonja
Rimini

Situata zhbllokohet pjeserisht
Evrope, publikohet "harta" e fluturimeve dhe kapacitetet e tyre
Mengjesin e djeshem, pas 5 ditesh kaos ne transportin ajror per shkak te hirit vullkanik islandez, disa aeroporte evropiane jane hapur per disa fluturime. Sipas Eurokontrol, enti qe kontrollon trafikun ajror, 75 per qind e aeroporteve evropiane jane hapur dhe do te zhvillohen 60 per qind e fluturimeve te parashikuara. Sipas ketij enti, disa prej avioneve qe do te fluturojne ne zonen e "verdhe", zone ku fluturimet jane te kushtezuara. Sipas "BBC"-se, hapesira ajrore britanike ka vazhduar te jete kryesisht e mbyllur me shumicen e aeroporteve te medha perreth Londres, qe nuk jane hapur fare. Nderkaq po sipas kesaj agjencie, Gjermania dhe Irlanda kane vazhduar kufizime te renda ne fluturimet e tyre. "Por ka pasur disa fluturime nga Parisi dhe Amsterdami dhe me ne Jug, ne Itali, Spanje dhe Turqi ku aeroportet kane funksionuar", citon "BBC". Edhe pse shperthimet ne vullkanin islandez duket te jene zbehur ka njoftime se nje vale e re e hirit po shkon drejt Evropes kontinentale. Ndersa sipas "Zerit te Amerikes", autoritetet gjermane te aviacionit i dhane leje 50 aeroplaneve transoqeanike te kompanise ajrore "Lufthansa" te udhetonin nga Azia Lindore, Afrika dhe Shtetet e Bashkuara, me rreth nje mije e peseqind pasagjere. Sipas "Zerit te Amerikes", kreu i Shoqates Nderkombetare te Transportit Ajror, Xhiovani Bisinjani tha se ndikimi ekonomik global i nderprerjeve te fluturimeve ne industrine ajrore, eshte me i madh sec ishte pas sulmeve terroriste te 11 shatorit ne Shtetet e Bashkuara, kur hapesira ajrore amerikane u mbyll per tre dite me radhe.

Prishtina
Nga ora 22 e mbremjes se djeshme deri sot ne mesdite, mbyllet perseri aeroporti i Prishtines, deklaron zedhenesi i ANP-se, Altin Ahmeti. Ai eshte shprehur per shtypin se hapesira kontaminohet prej nivelit te tokes deri ne 6 mije metra lartesi. Ndersa gjate dites, prej 13 fluturimeve, jane realizuar vetem 8 prej tyre.

Disa nga aeroportet qe funksionojne:
Paris
Amsterdam
Itali
Azia Lindore
Gjermania
Frankfurt
Zyrih
Londra