Ristani Rikonfigurimi i KQZ-se jo domosdoshmeri
Administrata ne nivelin e dyte apo te trete duhet te jete profesionale do sistem i mire por problemi nis kur futen interesat politike ne mes
Kryetari i Komisionit Qendror te Zgjedhjeve Arben Ristani deklaron se depolitizimi i administrimit te zgjedhjeve duhet te preke komisionet e niveleve te dyta dhe te treta por jo domosdoshmerisht institucionin qe ai drejton. Duke komentuar raportin e Komisionit te Venecias per zgjedhjet lokale te 8 majit Ristani ka theksuar se ky institucion ka nevoje per konsensusin e te gjitha partive. Lidhur me debatin e nisur nga partite e vogla per ndryshim te sistemit zgjedhor Ristani deklaroi se nuk ka sisteme te keqija por eshte menyra se si politika i perdor ato.
Deklarata
Kreu i KQZ-se e konsideron si jo te domosdoshem riformatimin e ketij komisioni. Sipas tij domosdoshmeri eshte konsensusi politik qe Komisioni Qendror i Zgjedhjeve te kryeje normalisht punen e tij. Nuk besoj se eshte kjo kerkesa por sigurisht eshte tendenca qe konsensusi te jete sa me i gjere ne konfigurimin e KQZ-se. Pra nuk eshte domosdoshmeri rikonfigurimi por konsensusi sa me i gjere i klases politike per te pasur nje administrate zgjedhore te mirepranuar - deklaroi ai duke komentuar rekomandimet me te fundit te Komisionit te Venecias per nje riformatim te komisioneve zgjedhore. Ristani sugjeron se administrata zgjedhore eshte ajo qe duhet te jete apolitike dhe per kete ka nisur dhe puna trajnuese. Une besoj se administrata zgjedhore duhet te jete apolitike. Pjesa tjeter e administrates ne nivelin e dyte dhe te trete do te ishte mire qe te ishte nje administrate profesionale per te cilen KQZ ka nisur dhe punen e tij. Jemi ne nje proces trajnimi dhe reformimi ne kuptimin qe keta komisionere ti certifikojme si njerez te trajnuar dhe profesioniste - tha Arben Ristani kryetar i KQZ-se. Lidhur me debatin me te fundit per ndryshimin e sistemit zgjedhor te kerkuar nga partite e vogla kreu i KQZ-se pohon se cdo sistem eshte i zbatueshem por sipas tij problemi qendron te politika. Per sa i perket sistemit une them se nuk ka sistem te keq. Te gjitha sistemet jane te mira dhe cdo gje varet nga interesat politike te klases politike ne rastin konkret. Ndaj ne kete fushe nuk me perket mua te gjykoj por sipas interesave politike do gjykojne. Une di qe sisteme te keqija nuk ka jane te gjitha sisteme qe perdoren ne te gjithe boten por pastaj sipas kushteve specifike ne vende konkrete zgjidhet njeri sistem apo tjetri - deklaroi Ristani. Sipas tij kurrsesi nuk mund te thuhet se mazhoritari i perzier me proporcional ishte me i keq sesa sistemi rajonal proporcional. Nuk mund te them qe sistemi proporcional kombetar apo i korrektuar jane sisteme te keqija. Jane te gjitha sisteme te mira dhe varet nga interesat e klases politike se cili eshte me i pershtatshem per momentin - deklaroi ai.