Ristani-Uithers, takim per ngercin ne Fier

Vetem pak minuta se Komisioni Qendror i Zgjedhjeve, te niste shqyrtimin e ankesave per rezultatin e zgjedhjeve ne Fier, kreu i ketij Komisioni, Arben Ristani zhvilloi nje takim "koke me koke" me ambasadorin amerikan Xhon Uithers. Per rreth 30 minuta, dy personalitetet diskutuan mbi situaten paszgjedhjeve parlamentare ne vend, zgjatjen e procesit te numerimit te votave si dhe procedurat e ankimimit. Sigurisht qe mes tyre, nuk u la pa permendur ceshtja me e nxehte e ketyre zgjedhjeve, ajo e shpalljes se rezultateve ne Fier, qe eshte kthyer ne "sheshin e betejes" mes dy forcave te medha politike PD dhe PS. Socialistet pretendojne se iu takon mandati i nente i deputetit ne kete zone, qe sipas tyre ndodhet ne nente kutite e panumeruara per Qarkun e Fierit. Por "oreksi" eshte rritur edhe nga pala e djathte. Ku demokratet pretendojne se ne kete zone, duhet rivleresuar rezultati per dy KZAZ, te cilat kane ende kuti te pa numeruara. Takimi i Ristanit me Uithers, perkon pikerisht me qetesimin disi te situates mes paleve, duke qene se procesi i numerimit te votave dhe ai i animimit, jane te rendesishem per vleresimin e nderkombetareve ne keto zgjedhje. Kreu i KQZ-se, Ristani, kohet e fundit ka qene ne krye te listes se te akuzuarve nga Partia Socialiste, i cilesuar si "vegel" e kryeministrit Sali Berisha, ne dem te shpalljes se rezultatit korrekt te zgjedhjeve.