Rock over Tirana, një festival që premton të kthehet në traditë

Festivali i parë i rockut në Tiranë Rock over Tirana, What`s Up Fest, me pjesëmarrjen e disa prej emrave më në zë të muzikës botërore, u ndoq nga mijëra të rinj kryeqytetas, në stadiumin kombëtar "Qemal Stafa". Për herë të parë një festival ndryshe. Rock over Tirana Whats up fest solli një atmosferë rocku si kurrë më parë. Për dy ditë rresht publiku kryeqytetas kërceu dhe këndoi së bashku me artistët, që u ngjitën në skenë gjatë dy netëve të festivalit, 22 dhe 23 qershor në stadiumin Qemal Stafa. Në natën e parë u prezantuan grupe dhe artistë shqiptarë e kosovarë rocku si: Linda në botën e çudirave, Ogenti, Bojken Lako and the fish, Chaos in orden, The rooms, Gillespie, Troja. Për herë të parë në Shqipëri mbërritën dhe tre emra të suksesshëm botërorë dhe me një numër të madh fansash edhe në Shqipëri. Kështu këtij edicioni të parë iu bashkëngjiten banda gjermane Reamonn, kantautorja italo-australiane Gabriella Cilmi, si dhe ylli i ri i popit italian Giusy Ferreri. Reamonn është një nga grupet më të mira në Gjermani dhe më të shitura në Evropë. Ata shënuan një sukses që me albumin e tyre të parë, ndërkohë që lëngët e tyre kanë pasur mjaft jehonë, dhe janë pëlqyer mjaft, ku mund të përmendim: Josefine,  - Supergirl, Star, Tonight, etj. Gabriella Cilmi, është një kantautrore italo-australiane. Ajo është mjaft e njohur me singëllin "Sweet About Me", realizuar në prill 2008 në Australi. Ajo fitoi gjashtë çmime ARIA si dhe Artistja më e mirë Femër e vitit. Hite të tjera përmendim: Don't Tell Me", "Sorry", etj. Giusy Ferreri është një artiste italiane, e cila u pëlqye qysh me singëllin e saj të parë Non ti scordar di me. Këngë që e vendosi në krye të klasifikimit italian për 15 javë rresht. Kënga Novembre është kënga që prezantoi albumin e saj të parë Gaetana. Duke nisur nga kjo verë e në vazhdim kompania Living Room Show, e cila realizon këtë event muzikor, do të sjellë emrat botërorë më të pëlqyer të momentit në Shqipëri. Një nismë që është parashikuar të kthehet në një traditë, ku çdo verë ritmet dhe muzika rock do të na bashkojë në një atmosferë të nxehtë, që mund ta falë vetëm festivali Rock over Tirana Whats up fest.