Ronaldo dëshiron rikthimin te United

Cristiano Ronaldo nuk e ka harruar ende Manchester Unitedin. Ylli portugez dëshiron të rikthehet në Old Trafford, njofton The Observer.

Sipas kësaj uebfaqeje, kjo ndoshta nuk do të ndodh këtë verë, por CR7 e ka shprehur dëshirën të rikthehet tek Djajtë e Kuq. 28 vjeçari ka kontratë me Real Madridin deri në vitin 2015 dhe nuk e ka gjetur ende gjuhën e përbashkët për të vazhduar me Los Blancos.

Dhe, United po mundohet ta shfrytëzojë këtë situatë, për ta bërë të vetin sërish Ronaldon, i cili la gjurmë të pashlyeshme në ekipin që udhëhiqej nga Sir Alex Ferguson.