Rooney nuk është në shitje

E përditshmja britanike The Independent shkroi se Rooney ka prishur raportin me menaxherin Sir Alex Ferguson. Më herët gjatë javës Rooney pranoi një gjobë për paraqitjen e tij në stërvitje.

Por, në një komunikatë të përbashkët nga Rooney dhe klubi thuhej: “Çdo sugjerim se Manchester United dhe Wayne Rooney mund të ndahen është i pabazë. Ne mund t’i sigurojmë të gjithë tifozët e Unitedit se menaxheri dhe klubi janë të përkushtuar ndaj Wayne Rooneyt si dhe Rooney ndaj menaxherit dhe klubit. Futbollisti dhe menaxheri gjithmonë kanë pasur respekt të ndërsjellë”.