Rosi me 99 për qind do të mbetet tek Vilareali

Lajmi bëhet i ditur nga mediat spanjolle duke cituar menaxherin e Rosit, Federiko Pastorelon, i cili mohon që oferta të jetë analizuar nga drejtuesit e Vilarealit. Menaxheri i futbollistit italian jep shenja të qarta se klienti i tij do të qëndrojë në “El Madrigal”, të paktën edhe për një sezon tjetër.

“Asnjë klub nuk e ka ofruar shumën e caktuar, dhe me 99 për qind Rosi do të qëndrojë tek Vilareali edhe për sezonin e ardhshëm. Ai ndjehet i lumtur këtu, dhe largimin e mendon vetëm në drejtim të njërit prej gjashtë klubeve më të mëdha të Evropës”.