Rregullorja, "Kushtetuta" per Qendren e Tiranes

Projektet per shnderrimin e qendres se Tiranes duhet te mbeshteten domosdoshmerisht ne rregulloren e propozuar nga disa studio arkitektonike dhe te miratuar nga Bashkia e Tiranes, me nderhyrjet dhe sugjerimet e saj. Bashkia e Tiranes mund te lejoje nje ndertim ekuivalent me ndertimin e shkaterruar nga nje fatkeqesi, nese ndertimi eshte ne perputhje me rregulloren specifike te cdo zone. Projekti ka si objektiv qe t'i jape nje permase te re qendres se qytetit te Tiranes. Kjo permase mund te realizohet vetem duke respektuar e duke ndjekur kete rregullore. Rregullorja eshte reflektim i deshires dhe i percaktimit te rregullave dhe standardeve per zhvillim ne kete pjese te qytetit. Ne lidhje te ngushte me departamentet e Bashkise se Tiranes, "Architecture-Studio", fitues i konkursit nderkombetar urbanistik te organizuar nga qyteti i Tiranes, ne korrik 2003, ka perpunuar Studimin Urbanistik te qendres se qytetit te Tiranes. Projekti u perpunua gjate nje numri vizitash studimore ne Tirane dhe Paris, si dhe gjate shume takimesh te bera me zyrat e urbanistikes, e infrastruktures dhe te transportit te bashkise, te cilat kane qene nje ndihme shume e rendesishme per berjen e analizave te duhura ne vend. Ky konceptim i operacionit per rregullimin e qendres se qytetit eshte studiuar gjate takimeve midis perfaqesuesve te Bashkise se Tiranes dhe te sherbimeve urbanistike te Bashkise se Parisit. Projekti urban i Tiranes eshte nje program thelbesor per rregullimin e qendres se qytetit. Eshte nje projekt i dimensioneve te medha, qe do te beje te mundur daljen nga logjika e perjashtimit dhe do te vleresoje lagjet qe perfshihen ne kete studim.