Rreshqitja e dheut ne Mallakaster
Kryeministri Berisha urdhëroi Ministrinë e Brendëshme për marrjen e të gjitha masave lidhur me sistemimin e familjeve të dëmtuara nga shembja masive e dheut në Komunën Qendër të Mallakastrës.
Rrëshqitja e dheut është verifikuar në orët e para të mëngjesit të së martës në fshatin Ngraçie, në Mallakastër.
Autoritetet lokale njoftojnë se nga masivi i dheut janë përfshirë të paktën 12 banesa, gjashtë prej të cilave janë bërë të pabanueshme.
Autoritetet bëjnë me dije se nga rrëshqitja e dheut nuk ka pasur persona të lënduar, ndërsa shtojnë se po punohet për strehimin gjetkë të banorëve që u janë dëmtuar shtëpitë.
Rrëshqitja e dheut ka ardhur si pasojë e reshjeve të shumta që në ditët e fundit kanë përfshirë vendin, duke shkaktuar probleme në zona të ndryshme të vendit.
Më herët gjatë muajit një rrëshqitje e konsiderueshme toke për shkak të lagështirë dhe dëborës u verifikua në Rrugën e Kombit, ku sasi të mëdha dheu e gurësh ranë mbi shtratin e aksit Kukës-Kalimash, në afërsi të fshatit Mamëz.
Gurët dhe balta ranë mbi një pjesë rreth 70 metra të rrugës, duke ngushtuar ndjeshëm vendin për kalimin e automjeteve.
Veç kësaj, për shkak të pranisë së akullit dhe dëborës që nuk ishte pastruar në të njëjtin aks pati edhe një sërë aksidentesh me mjete që dilnin nga rruga.
Rrëshqitja e dheut është verifikuar në orët e para të mëngjesit të së martës në fshatin Ngraçie, në Mallakastër.
Autoritetet lokale njoftojnë se nga masivi i dheut janë përfshirë të paktën 12 banesa, gjashtë prej të cilave janë bërë të pabanueshme.
Autoritetet bëjnë me dije se nga rrëshqitja e dheut nuk ka pasur persona të lënduar, ndërsa shtojnë se po punohet për strehimin gjetkë të banorëve që u janë dëmtuar shtëpitë.
Rrëshqitja e dheut ka ardhur si pasojë e reshjeve të shumta që në ditët e fundit kanë përfshirë vendin, duke shkaktuar probleme në zona të ndryshme të vendit.
Më herët gjatë muajit një rrëshqitje e konsiderueshme toke për shkak të lagështirë dhe dëborës u verifikua në Rrugën e Kombit, ku sasi të mëdha dheu e gurësh ranë mbi shtratin e aksit Kukës-Kalimash, në afërsi të fshatit Mamëz.
Gurët dhe balta ranë mbi një pjesë rreth 70 metra të rrugës, duke ngushtuar ndjeshëm vendin për kalimin e automjeteve.
Veç kësaj, për shkak të pranisë së akullit dhe dëborës që nuk ishte pastruar në të njëjtin aks pati edhe një sërë aksidentesh me mjete që dilnin nga rruga.