Rreshqitjet e dherave bllokojne akset kombetare ne Veri
Shirat e diteve te fundit kane krijuar nje situate emergjente ne veri te vendit. Kryetari i Komunes se Margegajt ne Tropoje Rexhe Biberaj ka thene per Shqip se prurjet e medha te lumit Valbone kane shembur argjinaturat e ngritura dhe kane shkaterruar uren e Kelcyres ne afersi te Shoshajve. Nderkaq linjat e energjise elektrike jane demtuar dhe per momentin nuk eshte e mundur te udhetosh ne zone me makine. Me tej Biberaj ka shtuar se banoret e fshatit Rragam po rrezikohen nga permbytjet pasi lumi ka dale nga shtrati. Po ashtu shkolla e Dragobise eshte drejt shembjes per shkak se lumi po e gerryen ne themele. Kryetari i Komunes Margegaj ka shtuar se nje situate e tille ishte paralajmeruar dhe se gjithcka rrezikohet te shkaterrohet vetem per shkak te mungeses se investimeve. Nderkaq burime nga shtabi i emergjencave civile te ngritur ne Tropoje ben te ditur se eshte demtuar rruga Bajram Curri-Rragam 29 shtepi dhe dy ura betoni. Shirat e diteve te fundit kane krijuar probleme edhe ne aksin kombetar Kukes-Tirane ne vendin e quajtur Ura e Kolshit 5 km larg qytetit. Qarkullimi eshte nderprere per gati 4 ore per shkak te rreshqitjes se qindra metra kub inerte ne asfalt. Nderkaq dhe akset nacionale Kukes-Shishtavec Kukes-Peshkopi etj. kane qene te bllokuara per disa ore per shkak te shembjeve te skarpates. Reshjet e dendura te shiut kane shkaktuar probleme ne qarkullimin e automjeteve ne aksin kombetar Klos-Burrel-Milot ne vendin e quajtur Suc. Shkak i bllokimit te qarkullimit eshte bere rreshqitja e tokes ne nje segment prej 20 metrash. Bllokimi ka zgjatur per rreth 3 ore deri ne lirimin e rruges nga punetoret e mirembajtjes se rrugeve. Sipas pergjegjesit te Ndermarrjes se Rrugeve Ramiz Koxha mesohet se probleme ka pasur edhe ne rrugen Ulze-Shkopet dhe Klos-Burrel. Nderkaq prurjet e ujit ne lumin e Drinit te Zi kane shenuar kuota maksimale. Shkak i ketyre prurjeve pervecse motit me reshje te dendura shiu eshte bere edhe hapja e portave te shkarkimit ne hidrocentralin e Spilese ne Diber te Madhe te Maqedonise pikerisht aty ku dhe fillon rrjedhja e Drinit ne token tone. Nje situate e tille e rritjes se prurjeve te Drinit ka rritur dukshem rrezikun e permbytjeve ne fshatin Gjorice te po kesaj komune ne rrethin e Bulqizes ku nga momenti ne moment uji mund te kaperceje shtratin e rrjedhjes per te depertuar ne tokat e shtepite e ketij fshati. Nderkohe permbytjet kane perfshire edhe rrethin e Malesise se Madhe.
Qindra banesa jane pushtuar nga uji dhe rruget kryesore te ketij rrethi vazhdojne te jene te bllokuara. Sipas nenprefektit te Malesise se Madhe jane evakuuar 40 familje ne fshatin Kamice dhe 15 ne Vermosh te cilat rrezikoheshin nga permbytjet. Ndersa ne Boge dhe Vukpalaj jane permbytur ne total 112 familje.