Rrezeart Galica prezantohet në Tiranë

Pas Prishtinës dhe Shkupit, fotografi kosovar Rrezeart Galica i prezanton punimet e tij edhe në Tiranë. "Para fillimit" titullohet ekspozita personale, që është çelur mbrëmë në ambientet e Muzeut Historik Kombëtar. Galica ka vënë në dispozicion të publikut edhe një katalog së bashku me DVD-në me videoartet e realizuara nga artisti. Autori ndër të tjera thekson se do të bëjë përpjekje të mëdha që këtë ekspozitë ta hapë edhe në shtetet perëndimore si në Gjermani, në Nju Jork e më tej. Rrezeart Galica ka lindur në Prishtinë, në vitin 1981. Studimet i kreu në Fakultetin e Arteve të Universitetit të Prishtinës ku është diplomuar në vitin 2005 në drejtimin e dizajnit grafik. Kurse studimet pasuniversitare i kreu po në Fakultetin e

Arteve të Universitetit të Prishtinës, në vitin 2008, për multimedia dhe mori titullim magjistër. Ka marrë pjesë në disa ekspozita kolektive kombëtare dhe ndërkombëtare.