Rrëzohet helikopteri në Venezuelë, 10 të vdekur

Karakas, 29 gusht - Në Venezuelë është rrëzuar një helikopter i gardës Kombëtare, me ç'rast e kanë humbur jetën 10 ushtarë, njoftoi mbrëmë presidenti Hugo Chavez.

Helikopteri i prodhimit rus Mi-17, i cili duhej të merr pjesë në një aksion kundër drogës, është rrëzuar "disa minuta" pas fluturimit, tha presidenti i Venezuelës në një fjalim televiziv, transmeton REL.

Fatkeqësia ka ndodhur afër qytetit Buena Viste, jo larg kufirit me Kolumbinë.