Rriten shanset për kalimin e TAP në Shqipëri, tjetër mbështetje për projektin

Projekti i Trans-Adriatik-Phipline i kompanisë azerbajxhanase Socar ka marrë një tjetër mbështetje nga konsorcium Shah Deniz, duke i rritur edhe më tepër shanset e kalimit të tubacionit të gazit në Shqipëri, Itali dhe Greqi.

Agjensia e lajmeve Reuters shkruan se është arritur një marrëveshje mes dy kompanive British Petroleum dhe Total për të financuar në ndërtimin e TAP. Sipas drejtorit menaxhues të TAP, Kjetil Tungland nënshkrimi i kësaj marrëveshjeje është e rëndësishme për besimin e TAP.

“Bashkëpunimi ynë me Shah Deniz ka një ndikim edhe më të gjerë. Marrëveshja jep një siguri më shumë për rezultate pozitive në përfundimin e kësaj vepre të madhe të korridorit të Jugut” tha drejtori i TAP per Reuters.

Sipas marrëveshjes parashikohet që të treja kompanitë të blejnë deri në 50% të aksioneve të projektit. Dy ditë më parë Greqia dhe Italia arritën një marrëveshje bashkëpunimi për të mbështetur projektin e ndërtimit të Korridorit Jugor të Gazit.

Ndërkohë gjatë muajit qershor kompania me e madhe e energjisë në Itali Enel tha se ishte e interesuar në përfshirjen e gazësjellësit TAP, duke kontribuar me reth 10 ose 20 për qind të aksioneve.

Ecuria e projektit do të varet edhe nga marrëveshjet ndërqeveritare mes Shqipërisë, Greqisë dhe Italisë për ta bërë TAP të jetë më konkurues ndaj projektit tjetër të Nabuco.