Rritja e çmimit të naftës, Berisha: Tirana në protestë kundër qeverisë

Ish-kryeministri Sali Berisha përmes një postimi në Facebook u ka bërë thirrje të gjithë qytetarëve që të dalin për të protestuar para godinës së Kryeministrisë lidhur me rritjen e çmimit të naftës.

Sipas njoftimit të Berishës, protesta pritet të mbahet në orën 17:00.

“Tirana në shesh në ora 17:00 kundër qeverisë për rritjen e çmendur të çmimit të naftës!” shkruan Berisha.

Berisha ka hedhur akuza ndaj Kryeministri Rama, duke e fajësuar si shkaktar i rritjes së naftës.

“Nafta në Shqipëri arrin çmimin me të lartë në botë. Kjo ndodh kur kreu i meduzës bëhet zëdhënës i rritjes së çmimit të kompanive të naftës, ose aksioner i tyre! Sb”, -shkruan Berisha në Facebook.