Rruga "Bardhyl", 5 dite pa drita

Te jetosh 5 dite pa drita, mund te kthehet ne ferr te vertete. Dhe kete, me mire se askush tjeter e dine banoret e Rruges Bardhyl, te cilet prej me pak se nje jave po vuajne ferrin e erresires, njelloj si ne kohet kur Naimi i shkruante qiririt. Njera prej te shumteve banore te kesaj rruge, eshte edhe Razie Katroshi, e cila shprehet se 5 dite e net pa drita nuk ta bejne jeten aspak normale. Pervec faktit se flaket e qiririt jane bere se fundmi shoqeruesit e familjes se saj, duke filluar nga pasditet e deri ne oret e vona te nates, gatimi eshte kufizuar ne nje bombol gazi, per shkak se soba me korrent nuk mund te punoje per sa kohe qe nuk ka drita. Nga ana tjeter, veshtiresia qendron ne mengjes, teksa i biri dhe nusja e te birit behen gati per te ikur ne pune, ne erresire. E, sa per t'u lare, familja e Razies dhe shume familje te tjera u jane kthyer ujit me kanace. Shkak per kete demtim eshte bere prishja e kabullit te energjise elektrike. Por ajo qe eshte me shqetesuese per banoret e kesaj zone, jane burokracite qe po i lene ata ne terr te vazhdueshem. Pasi edhe pse ata jane ankuar prane OSSH se nuk kane drita ne shtepite e tyre qe prej dites se premte, keta te fundit u kane thene qe ne nuk mund te nderhyme per te riparuar defektin pa na dhene leje Bashkia e Tiranes. Nderkohe qe per banoret keto vonesa jane absurde, pasi ata nuk mund te presin me jave te tera sa te permbushen te gjitha hapat burokratike. "Ne kemi gati dite ne erresire, nuk mund te presim as 10 dite dhe as tre jave qe punonjesve dhe drejtuesve te Bashkise se Tiranes, t'u mbushet mendja per te dhene leje per te care rrugen. Ne si qytetare te ketij qyteti dhe taksapagues te rregullt kerkojme qe leja te jepet ne menyre imediate. sepse nuk mund te vazhdojme te torturohemi me ne kete menyre", kane sqaruar banoret e zones. Ne rrugen "Bardhyl" prane Unazes, eshte djegur kabulli i energjise elektrike dhe ka lene plot 100 familje ne erresire totale per kater dite rresht. Por vuajtjet e ketyre banoreve nuk po marrin fund, pasi edhe pse ata jane ankuar ne institucion pergjegjes, prane Operatorit te Sistemit te Shperndarjes, kerkesat e tyre nuk jane zgjidhur. Defekti i energjise elektrike ne rrugen "Bardhyl" nuk po ndodh per here te pare, kjo eshte hera e dyte qe keta banore po lihen ne erresire sepse Bashkia e Tiranes dhe OSSH nuk po bien dakord per lejen qe duhet per te care rrugen.

L.Ndoka