Ruli: Parqe industriale në Durrës dhe Shkodër

"Qeveria, në bashkëpunim me autoritetet e pushtetit vendor, po punon për ndërtimin e dy parqeve industriale, në zonën e Durrësit dhe të Shkodrës. Gjithashtu, një park tjetër industrial në zonën e Shkodrës, që ka nisur të ngrihet, është frut i nismave private", tha Ministri i Ekonomisë Tregtisë dhe Energjitikës, Genc Ruli. Iniciativat e METE-s për konkretizimin e ngritjes së parqeve industriale, u konfirmuan sot nga burimet zyrtare të Ministrisë. Pas miratimit para pak kohësh të ligjit "Për zonat ekonomike", është hapur rruga për krijimin e parqeve industriale dhe zonave të lira në disa zona të vendit, ku ka interes nga për investime në industritë prodhuese dhe atyre të shërbimeve.