Rusia pro kërkesës palestineze

I dërguari i Rusisë në OKB, Vitaly Churkin, ka deklaruar se Moska do ta mbështesë kërkesën e palestinezëve për shtet.

Rusia është bashkë-sponsorizuese e procesit paqësor në Lindjen e Mesme, bashkë me OKB’në, SHBA’të dhe BE’në.

Paralelisht, Izraeli dhe SHBA kundërshtojnë kërkesën palestineze.

Shefja E BE për politikë të Jashtme, Catherine Ashton, ka pohuar se Unioni është në pritje të tekstit të rezolutës të cilën palestinezët do ta paraqesin në OKB.

“Ajo që është e qartë është se sa i përket BE’së negociatat mbeten rruga më e drejtë”, ka thënë ajo.

Ndryshe, votimi për shtetin palestinez pritet të mbahet në Asamblenë e Përgjithshme të OKB, më 20 shtator.