SHBA, BE, OSBE: Palet te vetepermbahen
Diplomatet e SHBA, BE dhe OSBE kane kerkuar nga klasa politike qe te respektojne procesin demokratik te zgjedhjeve dhe te vetepermbahen. Ne nje deklarate te perbashket, ambasadori i Shteteve te Bashkuara te Ameriken, Aleksander Arvizu, Kryetari i Prezences se OSBE-se ne Shqiperi, Eugen Eollfarth, dhe Kreu i Delegacionit te Bashkimit Evropian, Etore Sequi, theksojne rendesine qe ka zbatimi i ligjit dhe Kodit Zgjedhor per zgjedhjet ne vend. Ne qendrimin e perbashket, ata vene theksin ne faktin se organizatat nderkombetare presin nje proces demokratik. "Eshte tejet e rendesishme qe procedurat per zgjidhjen e ankesave te jene te qarta dhe te jene ne perputhje te plote me dispozitat ligjore te Shqiperise, perfshire Kodin Zgjedhor. Ne presim qe te dyja palet te ushtrojne vetepermbajtje dhe te respektojne plotesisht procesin demokratik", thuhet ne deklaraten e perbashket te tre ambasadoreve. Ne qendrimin e tyre, ambasadoret theksojne dhe rendesine qe ka qartesimi i qytetareve ne lidhje me rezultatin e zgjedhjeve ne kryeqytet. Arvizu, Eollfarth dhe Sequi shprehen se rezultatet paraprake duhet te shpallen. "Me shume se nje jave ka kaluar qe kur nje numer i madh votuesish ne Tirane votuan per postin e kryetarit te bashkise, me 8 maj. Qytetaret duan dhe meritojne qartesi rreth rezultatit te zgjedhjeve. Eshte thelbesore qe rezultatet zyrtare paraprake te hidhen ne tabele me kujdes nga Komisioni Qendror i Zgjedhjeve dhe te shpallen me shpejtesi", thuhet ne qendrimin e perbashket te ambasadoreve. Deklarata e diplomateve vjen ne kohen qe dy subjektet kryesore nuk bien dakord ne lidhje me procedurat e vleresimit te votave. Ne diten e mbylljes se numerimit ne Tirane, ambasadoret bene apel per ruajtjen e qetesise dhe pritjen e rezultatit zyrtar nga te dyja kampet. Ndersa ne menyre me direkte, ata kerkuan qe fituesi te mos veteshpallej. "Urime per kapercimin e vijes se finishit. Ka qene nje fitore per demokracine shqiptare dhe popullin shqiptar. Teksa te dyja palet pretendojne fitoren, eshte posacerisht e rendesishme te pritet qe rezultatet te certifikohen ne perputhje me Kodin Zgjedhor. Pozicioni yne eshte bashkerenduar ne konsultim te ngushte me Kreun e Delegacionit te Bashkimit Europian ne Tirane dhe Kreun e Prezences se OSBE-se ne Tirane", thuhet ne deklaraten e publikuar me 14 maj nga Ambasada Amerikane, ku perfshihet edhe qendrimi i BE dhe OSBE.