SHBA-Izrail, Obama pret presidentin izraelit

Javën e ardhshme, presidenti amerikan do të takohet në Shtëpinë e Bardhë me homologun e tij izraelit, Shimon Peres. Bisedimet paqësore me palestinezët dhe trazirat në Lindjen e Mesme do të jenë në qendër të bisedimeve.

Ligjvënësit amerikanë kanë kërkuar nga Obama të ushtrojë presion ndaj palestinezëve për të rifilluar bisedimet pa parakushte. Bisedimet për paqe mes Izraelit dhe Palestinës, filluan me ndërmjetësinë e SHBA por u ndërprenë shumë shpejt. Sekretarja amerikane e shtetit shprehu zhgënjimin për këtë proces të dështuar të paqes, por deklaroi se ishte e gatshme që të kryente serish rolin e ndërmjetësit për të rinisur procesin.